Bugun,

  • USD 10940.05
  • RUB 182.26
  • EUR 11121.65

Samarqanddagi maktabda qozonxona “kotyoli” portlashi oqibatida bir kishi vafot etgani xabar berilgandi. Samarqand shahar xalq ta’limi bo‘limi mas’ullarining “Daryo”ga ma’lum qilishicha, 4-maktabning tabiiy gaz bilan ishlovchi isitish qozonlari elektr ta’minotida uzilish bo‘lganda avtomatlashtirilgan tarzda o‘chgan va mazkur mudhish voqeani keltirib chiqargan.

Foto: Samarqand shahar XTB

Foto: Samarqand shahar XTB

Ta’kidlanishicha, maktabdagi elektr energiyasining vaqtinchalik uzilishi gaz tarmog‘ida bosimning ortishiga olib kelgan. Natijada isitish qozonining avtomatik o‘chish-yoqish uskunasi ishdan chiqqan. Va sizib chiqqan tabiiy gaz qozonxona ichiga to‘plangan. Maktab o‘t yoquvchisi B.H. isitish qozonini yoqmoqchi bo‘lganida portlash sodir bo‘lgan. Oqibatda xodim og‘ir tan jarohati olib, Respublika shoshilinch tez tibbiy yordam ilmiy markazi Samarqand viloyati bo‘limiga yotqizilgan.

Shahar XTB mas’ullarining aytishicha, o‘sha kuni tungi soat 24:00 da viloyat xalq ta’limi boshqarmasi boshlig‘i Zebiniso Shodiyeva hamda shahar xalq ta’limi bo‘limi mudiri vazifasini bajaruvchi Anvar Nurmuratov hodisa joyiga yetib kelgan. So‘ngra shifoxonaga borib, B.H.ning holidan xabar olgan. Biroq ko‘rsatilgan tibbiy yordamga qaramasdan, o‘t yoquvchi vafot etgan.

Aytilishicha, 2020/2021-o‘quv yili avvalida, kuz—qish mavsumiga tayyorgarlik jarayonlarida barcha maktab pedagog va texnik xodimlari texnika xavfsizligi qoidalari bilan tanishtirilgan. Mazkur qoidalarga amal qilish bo‘yicha kafolat xatlari olingan.

“Marhum B.H. 2020-yilning 2-noyabr kunidan boshlab maktabda mavsumiy qozonxona ishchisi vazifasiga tayinlangan. Joriy yilning 2-yanvar kuni navbatchilikni qabul qilib olishdan avval qozonxonadagi isitish qozonlari soz holatda ekanligini tasdiqlab, daftarga imzo qo‘ygan. Viloyat xalq ta’limi boshqarmasi rahbariyati tomonidan marhum B.H.ning oila a’zolari holidan xabar olinib, ularga moddiy yordam ko‘rsatildi”, — deyiladi XTB mas’ullari bergan ma’lumotda.

Samarqand viloyat IIB axborot xizmatining “Daryo”ga qo‘shimcha ma’lumot berishicha, maktab qozonxonasida sodir bo‘lgan chaqnash yuzasidan Samarqand shahri bo‘yicha IIO FMB huzuridagi tergov bo‘limi tomonidan Jinoyat kodeksining 257-moddasi (mehnatni muhofaza qilish qoidalarini buzish) 2-qismi “a” bandi bilan jinoyat ishi qo‘zg‘atilgan. Hozirda tergov-surishtiruv jarayonlari bo‘lib o‘tmoqda.

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi