O‘zbekistonda aprel oyidan boshlab yangi tartib kuchga kirib, unga ko‘ra, pudrat tashkilotlari yangi qurilgan barcha uylarni devorlarga ishlov berish va kommunikatsiya tarmoqlarini tortish bo‘yicha ishlar 100 foiz bajarilgan holda topshirishlari lozim bo‘ladi. Bu haqda qurilish vazirining birinchi o‘rinbosari Sherzod Hidoyatov 8-yanvar, juma kuni o‘tkazilgan matbuot anjumanida ma’lum qildi.
Bu aholiga yanada qulay shart-sharoit yaratish maqsadida amalga oshirilmoqda.
Spot’ning qayd etishicha, 2020-yilda O‘zbekistondagi ipoteka kreditlari bozor relslariga o‘tkazildi. Uy-joy sotib olish uchun kreditlar bo‘yicha foiz stavkalari yillik 26—32 foizdan 18—22 foizgacha kamaytirildi.
2020-yil 10-sentabr kuni Markaziy bank asosiy stavkani 15 foizdan 14 foizgacha pasaytirdi. Shu sababli banklar 1-oktabrdan kredit va depozitlar bo‘yicha stavkalarni pasaytira boshladi.
Ipoteka kreditlari ham istisno emas. 2020-yilning may oyi bilan taqqoslaganda ayrim banklar ipoteka kreditlash shartlarini yumshatgan.
Hukumat tomonidan joriy etilgan yangi dasturga ko‘ra, ipoteka 20 yilga beriladi. Shaharlarda dastlabki to‘lov 20 foiz, qishloq joylarda 10 foizni tashkil qiladi, ta’minlash — sotib olinadigan kvartiraning garovi.
Davlat dasturi asosida kredit ajratadigan banklarning yarmidan ko‘pi stavkalarni 1—2 foiz darajaga pasaytirdi. Jumladan, qishloqlarda uy sotib olish bo‘yicha eng past ko‘rsatkich 18 foizdan 17 foizgacha, Toshkent shahrida 19—20 foizdan 18 foizgacha pasaydi.
Izoh (0)