Surxondaryo viloyatida YPX xodimi haydovchi o‘z mashinasini yo‘l chetiga to‘sib to‘xtatganligi uchun ma’muriy bayonnoma tuzgan va 6 million so‘m atrofida jarima to‘latgan. 2020-yilning 18-dekabr kuni ijtimoiy tarmoqlarda tarqalgan videoda haydovchi mazkur holat sudda tegishlicha hal qilinishini aytgan.
Videodan ko‘rish mumkinki, YPX xodimi haydovchini to‘xtatib, undan uzr so‘ragan. Tushunmovchilik bo‘lganini va o‘zining qilmishini tan olib, ushbu ishni o‘zaro kelishib hal etishni taklif qilgan.
IIV YHXBB axborot xizmatining ma’lum qilishicha, hukumat qarori bilan tasdiqlangan YPX xodimlarining yo‘l harakati qatnashchilari bilan o‘zaro munosabatlari tartibi to‘g‘risidagi nizom hamda IIVning me’yoriy buyrug‘i talablarini buzganligi uchun Surxondaryo viloyati IIB YHXB xodimi B.Izbosarov egallab turgan lavozimidan ozod etilgan.
“Barcha DYHXX xodimlaridan belgilangan tartib va qoidalar asosida xizmat olib borishlarini so‘raymiz”, — deyiladi xabarda.
Qashqadaryoda fuqarolarni so‘kkani aytilayotgan YPX inspektoriga hayfsan berilgan, Toshkentda mast holda jamoat tartibini buzgan ichki ishlar organi xodimi lavozimidan ozod etilgan, Qashqadaryoda bodikamerasiz faoliyat yuritgan YPX xodimiga intizomiy chora ko‘rilgan edi.
Izoh (0)