“Formula-1” a’zolari dunyodagi eng yaxshi poygachilar hisoblanadi. Ular deyarli istalgan poyga avtomobili ruliga o‘tirib, haqiqiy master-klassni ko‘rsatib berishga qodir. Hatto yopiq karting kabi ko‘ngilochar poygalarda ham, deb yozadi CARakoom. Bunga nashr Ferrari jamoasi poygachisi Karlos Saynsning bir necha aylanada so‘nggi o‘rindan birinchi pog‘onaga ko‘tarilgani tasvirlangan videoni misol qilib keltirgan.
Boshqa poygachilar Saynsni teng bo‘lmagan kuchlar sababli eng oxirida start olishga undagan bo‘lishi mumkin, biroq videoda ko‘rinib turganidek, bu hech qanday ahamiyat kasb etmagan. Bir necha aylanani bosib o‘tgan Sayns 16 ta raqibning aksariyatini ortda qoldirgan. Biroq yengil quvib o‘tishlardan so‘ng u to‘rtinchi, shundan so‘ng birinchi o‘ringa ko‘tarilish uchun ancha “ter to‘kkan”.
“Bu uning Ferrari jamoasi tarkibida amalga oshiradigan keyingi yilgi chiqishi uchun yaxshi amaliyot, chunki poygachilar ba’zida pelotonning eng oxirida start oladi”, — deyiladi xabarda.
Izoh (0)