4 январь куни ижтимоий тармоқда «Қашқадарё шопирларига қойил қолмай илож йўқ» сарлавҳаси остида видео тарқалди. Унда Ford автомобили ҳайдовчиси юкни белгиланган қоидаларга зид равишда ташиётгани акс этган.
ЙҲХББ матбуот хизматининг маълум қилишича, видеолавҳа ўрганилгач белгиланган қоидаларни четлаб ўтиб, ўзи ҳамда атрофдаги бошқа ҳаракат қатнашчиларининг ҳаётини хавф остига қўйиб ҳаракатланган ушбу машина ҳайдовчиси 1996 йилда туғилган Н.Д. эканлиги аниқланган.
Унга нисбатан Маъмурий жавобгарлик тўғрисидаги кодексининг 125-1-моддаси (юк ташиш қоидаларини, шатакка олиш қоидаларини бузиш) тартибида баённома тузилиб, 1 миллион 115 минг сўм миқдорида жарима тайинланган.
Аввалроқ Қашқадарёда машина давлат рақами белгиси ўрнига «Юсуф» дея исмини ёзиб олган ҳайдовчи жаримага тортилгани ҳақида хабар берилганди.
Изоҳ (0)