Yurak urushining tezlashishi koronavirusga chalinganlik alomati bo‘lishi mumkin. Bu haqda COVID Symptom Study ma’lumotiga asoslanib “RIA Novosti” xabar bermoqda.
Qayd etilishicha, tadqiqot doirasida mobil ilova yordamida dunyodagi to‘rt milliondan ortiq ishtirokchilarning ma’lumotlari tahlil qilindi. Natijalar COVID-19 yurak urishining tartibsiz yoki tez (bir daqiqada 100 martadan ortiq) urishiga olib kelishi mumkinligini ko‘rsatgan.
Ma’lum qilinishicha, pulsni o‘lchashda xatolikka yo‘l qo'ymaslik uchun tinch holatda bo‘lish kerak. Undan oldin imkon qadar besh daqiqa hordiq chiqarish, ya’ni asabiylashish va jismoniy faoliyatning ortiqcha omillarini bartaraf etish tavsiya etiladi. Yurak urishining normal holati tinch turgan paytda daqiqasiga 60 tadan 100 gacha hisoblanadi.
Shuningdek, mutaxassislarning ta’kidlashicha, yurak bilan bog‘liq hech qanday patologiyalar ilgari aniqlanmagan, lekin yurak urishi tezlashishi tez-tez takrorlangan taqdirdagina xavotir olish kerak.
Noyabr oyi boshida virusolog Anatoliy Altshteyn koronavirusning 5 ta asosiy simptomlarini ma’lum qilgandi, bular: isitma, yo‘tal, tomoq og‘rig‘i, hid va ta’m bilishni yo‘qotishdir. Agar ushbu belgilar kuzatilmasa, “oyoq barmoqlari rangining o‘zgarishiga e’tibor bermasa ham bo‘ladi”, deb aytgandi.
Keyinchalik “Rospotrebnadzor” Markaziy ilmiy-tadqiqot epidemiologiya institutida quloq bitishi COVID-19 belgilaridan biri bo‘lishi mumkinligi bildirilgan. Biroq bunday alomat O‘RVIda ham uchrashi ta’kidlangan.
Britaniya va amerikalik shifokorlar esa COVID-19’ning dastlabki to‘rtta alomatini ma’lum qildi.
Izoh (0)