AQShning amaldagi prezidenti Donald Tramp Demokratlar partiyasidan bo‘lgan raqibi Jo Baydendan ortda qolgan sakkizta shtatda g‘alaba qozonishga umid qilmoqda. Bu haqda Tramp Jorjiya shtatida mandatlariga demokratlar da’vo qilayotgan respublikachi senatorlar Devid Perdyu va Kelli Lefferning qayta saylanishini qo‘llab-quvvatlash maqsadida amalga oshirgan chiqishida ma’lum qildi, deb xabar beradi “RBK”.
“Ular (demokratlar — tahr.) shunday deyapti: U Jorjiya borasida shikoyat qilmoqda. Yo‘q, yo‘q. Men sakkizta shtat bo‘yicha shikoyat qilyapman va, o‘ylashimcha, men ularning barchasida g‘alaba qozonaman”, — deydi Tramp.
O‘z navbatida Jorjiyada yig‘ilganlar qarshisida chiqish qilgan Jo Bayden Tramp mamlakat rahbari sifatida o‘z majburiyatlarini bajarishni xohlamayotganini ma’lum qilgan.
Avvalroq The Washington Post Tramp Jorjiya shtati davlat kotibiga bosim o‘tkazayotgani yozilgan suhbat audiosini e’lon qilgan edi. Tramp suhbat davomida Raffenspergerni urishgan, “xushomad” qilgan, harakat qilishini “o‘tinib so‘ragan” va hatto jinoiy ta’qib qilish bilan mujmal tahdid qilgan.
Mavzuga doir: Sud kongressmenning AQShdagi prezidentlik saylovlari natijasini qayta ko‘rib chiqish borasidagi da’vosini rad etdi
Izoh (0)