Futbol bo‘yicha Italiya A Seriyasining 16-turidan o‘rin olgan bir qator uchrashuvlar 6-yanvar, chorshanba kuni bo‘lib o‘tdi.
“Jenoa” mehmonda “Sassuolo” bilan kuch sinashdi. Teng kurashlar ostida o‘tgan birinchi taymda darvozalarga to‘p kiritilmadi va jamoalar 0:0 hisobida tanaffusga yo‘l oldi. 52-daqiqada mezbonlar Jeremi Boganing goli evaziga hisobda oldinga chiqib oldi. Biroq 64-daqiqaga kelib “Jenoa” oradagi farqni yo‘qqa chiqardi — Eldor Shomurodov qanotdan oshirilgan to‘pni boshi bilan darvozaga joylab qo‘ydi. O‘yinning asosiy vaqti tugashiga yaqin qolganida esa Jakomo Raspadori hisobni 2:1 ko‘rinishiga olib kelib, “Sassuolo”ning g‘alabasini ta’minladi.
16-turdan keyin “Jenoa” 11 ochko bilan 19-o‘rinda borayotgan bo‘lsa, “Sassuolo” o‘z ochkolari sonini 29 taga yetkazib oldi.
“Inter” “Sampdoriya” maydoniga safar qildi. Uchrashuvning birinchi bo‘limida maydon egalari ikki bor milanliklar darvozasiga yo‘l topdi. 23-daqiqada Antonio Kandreva penaltini muvaffaqiyatli amalga oshirgan bo‘lsa, 38-daqiqada Keyta Belde o‘z nomiga gol yozdirib qo‘ydi. “Inter”ning yagona javob to‘piga esa Stefan de Vrey mualliflik qildi.
“Roma” ham mazkur turni mehmon sifatida o‘tkazdi. Rimliklar “Krotone” maydoniga safar qilib, 1:3 hisobida g‘alabani qo‘lga kiritdi. Mehmonlar safida Borxa Mayoral dubl qayd etgan bo‘lsa, Genrix Mxitaryan bitta golga mualliflik qildi. Mezbonlar tarkibidagi yagona golga esa Vladimir Golemich mualliflik qildi.
A Seriya
16-tur bahslari6-yanvar, chorshanba
“Sassuolo” — “Jenoa” 2:1
Gollar: 1:0 – 52 Boga, 1:1 – 64 Shomurodov, 2:1 – 83 Raspadori.
“Sassuolo”: Konsilyi, Rojerio, Myuldyur, Ferrari, Ayxan, Jurichich (Raspadori, 74), Manyanelli (Burabiya, 58), Berardi (Defrel, 35), Lokatelli (Obiang, 74), Boga, Kaputo (Traore, 58).
“Jenoa”: Perin, Zappakosta, Masyello (Gilyone, 57), Krishito, Chiborra (Pyatsa, 57), Badel (Rovella, 58), Radovanovich, Lerager, Zays (Destro, 82), Skamakka (Goldaniga, 71), Shomurodov.
Ogohlantirishlar: Krishito (12), Masyello (23), Ayxan (39), Burabiya (59), Goldaniga (85), Myuldyur (86).
“Sampdoriya” — “Inter” 2:1
Gollar: 1:0 – 23, penalti Kandreva, 2:0 – 38 Keyta Balde, 2:1 – 65 de Vrey.
“Sampdoriya”: Audero, Tonelli (Bereshinski, 68), Aujello, Kolli, Yoshida, Torsbyu, Adriyen Silva (Askildsen, 75), Damsgor, Kandreva, Keyta Balde (la Gumina, 90), Yankto (Leris, 75).
“Inter”: Handanovich, Yang (Perishich, 46), de Vrey, Bastoni, Hakimi, Brozovich, Barella (Vidal, 81), Sanches (Eriksen, 70), Galyardini (Lukaku, 63), Shkrinyar (Dambrozio, 81), Martines.
Ogohlantirishlar: Martines (16), Barella (23), de Vrey (40), Torsbyu (57), Keyta Balde (84), Askildsen (85), Hakimi (90).
“Krotone” — “Roma” 1:3
Gollar: 0:1 – 8 Mayoral, 0:2 – 29 Mayoral, 0:3 – 35, penalti Mxitaryan, 1:3 – 71 Golemich.
“Krotone”: Kordas, Pedru Pereyra (Vulich, 46), Kuomo, Magalyan, Retsa, Eduardo Enrike (Rivyer, 58), Molina, Junior Messias, Dzanellato, Golemich, Nvankvo.
“Roma: Lopes, Karsdorp, Manchini, Rojer (Kumbula, 64), Bruno Peres, Mxitaryan (Pellegrini, 63), Kristante (Veretu, 80), Karles Peres, Vilyar, Smolling, Mayoral (Jeko, 85).
Ogohlantirishlar: Bruno Peres (22), Golemich (33), Magalyan (41), Rojer (57), Pellegrini (88).
“Kalyari” — “Benevento” 1:2
Gollar: 1:0 – 20 Joao Pedro, 1:1 – 41 Sau, 1:2 – 44 Tuyya.
“Latsio” — “Fiorentina” 2:1
Gollar: 1:0 – 5 Kaysedo, 2:0 – 75 Immobile, 2:1 – 88, penalti Vlaxovich.
“Bolonya” — “Udineze” 2:2
Gollar: 1:0 – 19 Tomiyasu, 1:1 – 34 Pereyra, 2:1 – 40 Svanberg, 2:2 – 90 Arslan.
“Atalanta” — “Parma” 3:0
Gollar: 1:0 – 15 Muriel, 2:0 – 48 Sapata, 3:0 – 61 Gozens.
“Torino” — “Verona” 1:1
Gollar: 0:1 – 67 Dimarko, 1:1 – 84 Bremer.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)