Футбол бўйича Италия А Сериясининг 16-туридан ўрин олган бир қатор учрашувлар 6 январь, чоршанба куни бўлиб ўтди.
«Женоа» меҳмонда «Сассуоло» билан куч синашди. Тенг курашлар остида ўтган биринчи таймда дарвозаларга тўп киритилмади ва жамоалар 0:0 ҳисобида танаффусга йўл олди. 52-дақиқада мезбонлар Жереми Боганинг голи эвазига ҳисобда олдинга чиқиб олди. Бироқ 64-дақиқага келиб «Женоа» орадаги фарқни йўққа чиқарди — Элдор Шомуродов қанотдан оширилган тўпни боши билан дарвозага жойлаб қўйди. Ўйиннинг асосий вақти тугашига яқин қолганида эса Жакомо Распадори ҳисобни 2:1 кўринишига олиб келиб, «Сассуоло»нинг ғалабасини таъминлади.
16-турдан кейин «Женоа» 11 очко билан 19-ўринда бораётган бўлса, «Сассуоло» ўз очколари сонини 29 тага етказиб олди.
«Интер» «Сампдория» майдонига сафар қилди. Учрашувнинг биринчи бўлимида майдон эгалари икки бор миланликлар дарвозасига йўл топди. 23-дақиқада Антонио Кандрева пенальтини муваффақиятли амалга оширган бўлса, 38-дақиқада Кейта Белде ўз номига гол ёздириб қўйди. «Интер»нинг ягона жавоб тўпига эса Стефан де Врей муаллифлик қилди.
«Рома» ҳам мазкур турни меҳмон сифатида ўтказди. Римликлар «Кротоне» майдонига сафар қилиб, 1:3 ҳисобида ғалабани қўлга киритди. Меҳмонлар сафида Борха Майораль дубль қайд этган бўлса, Генрих Мхитарян битта голга муаллифлик қилди. Мезбонлар таркибидаги ягона голга эса Владимир Големич муаллифлик қилди.
А Серия
16-тур баҳслари6 январь, чоршанба
«Сассуоло» — «Женоа» 2:1
Голлар: 1:0 – 52 Бога, 1:1 – 64 Шомуродов, 2:1 – 83 Распадори.
«Сассуоло»: Консилйи, Рожерио, Мюльдюр, Ferrari, Айхан, Журичич (Распадори, 74), Маньянелли (Бурабия, 58), Берарди (Дефрел, 35), Локателли (Обианг, 74), Бога, Капуто (Траоре, 58).
«Женоа»: Перин, Заппакоста, Масьелло (Гильоне, 57), Кришито, Чиборра (Пьяца, 57), Бадель (Ровелла, 58), Радованович, Лерагер, Зайц (Дестро, 82), Скамакка (Гольданига, 71), Шомуродов.
Огоҳлантиришлар: Кришито (12), Масьелло (23), Айхан (39), Бурабия (59), Гольданига (85), Мюльдюр (86).
«Сампдория» — «Интер» 2:1
Голлар: 1:0 – 23, пенальти Кандрева, 2:0 – 38 Кейта Бальде, 2:1 – 65 де Врей.
«Сампдория»: Аудеро, Тонелли (Берешински, 68), Аужелло, Колли, Ёшида, Торсбю, Адриен Сильва (Аскилдсен, 75), Дамсгор, Кандрева, Кейта Бальде (ла Гумина, 90), Янкто (Лерис, 75).
«Интер»: Ҳанданович, Янг (Перишич, 46), де Врей, Бастони, Ҳакими, Брозович, Барелла (Видаль, 81), Санчес (Эриксен, 70), Гальярдини (Лукаку, 63), Шкриньяр (Дамброзио, 81), Мартинес.
Огоҳлантиришлар: Мартинес (16), Барелла (23), де Врей (40), Торсбю (57), Кейта Бальде (84), Аскилдсен (85), Ҳакими (90).
«Кротоне» — «Рома» 1:3
Голлар: 0:1 – 8 Майораль, 0:2 – 29 Майораль, 0:3 – 35, пенальти Мхитарян, 1:3 – 71 Големич.
«Кротоне»: Кордас, Педру Перейра (Вулич, 46), Куомо, Магалян, Рэтса, Эдуардо Энрике (Ривер, 58), Молина, Junior Мессиас, Дзанеллато, Големич, Нванкво.
«Рома: Лопес, Карсдорп, Манчини, Рожер (Кумбула, 64), Бруно Перес, Мхитарян (Пеллегрини, 63), Кристанте (Верету, 80), Карлес Перес, Вильяр, Смоллинг, Майораль (Жеко, 85).
Огоҳлантиришлар: Бруно Перес (22), Големич (33), Магалян (41), Рожер (57), Пеллегрини (88).
«Кальяри» — «Беневенто» 1:2
Голлар: 1:0 – 20 Жоао Педро, 1:1 – 41 Сау, 1:2 – 44 Туйя.
«Лацио» — «Фиорентина» 2:1
Голлар: 1:0 – 5 Кайседо, 2:0 – 75 Иммобиле, 2:1 – 88, пенальти Влахович.
«Болонья» — «Удинезе» 2:2
Голлар: 1:0 – 19 Томиясу, 1:1 – 34 Перейра, 2:1 – 40 Сванберг, 2:2 – 90 Арслан.
«Аталанта» — «Парма» 3:0
Голлар: 1:0 – 15 Муриэль, 2:0 – 48 Сапата, 3:0 – 61 Гозенс.
«Торино» — «Верона» 1:1
Голлар: 0:1 – 67 Димарко, 1:1 – 84 Бремер.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)