O‘zbekistonda Apple kompaniyasining rasmiy ofislari ochiladi. Bu haqda AOKAda o‘tgan brifingda Axborot texnologiyalari va kommunikatsiyalarini rivojlantirish vazirligi axborot xizmati rahbari Sherzod Ahmatov ma’lum qildi.
Brifing davomida Sherzod Ahmatov O‘zbekistonda 2020-yil 1-noyabr holatiga ko‘ra, 2019-yilning shu davriga nisbatan mobil telefonning qonuniy importi qariyb 10 baravarga oshganini ma’lum qilgan. Xususan, 2020-yil yanvardan 1-noyabrgacha O‘zbekiston 781,7 ming mobil telefon import qilgan.
“Dunyodagi top-10 likka kiradigan Samsung kompaniyasining respublikamizda 4 rasmiy ofisi ochildi. Yaqin kunlarda Apple kompaniyasining ham rasmiy ofislari ochilishi rejalashtirilmoqda”, — deydi Axborot texnologiyalari va kommunikatsiyalarini rivojlantirish vazirligi axborot xizmati rahbari.
Eslatib o‘tamiz, 2020-yilning may oyida tarixdagi eng yirik kapitallashgan korporatsiya — Apple Distribution International Limited O‘zbekistonda ixtiyoriy ravishda QQS to‘lovchisi sifatida ro‘yxatdan o‘tgani va I chorakdagi faoliyati natijalariga ko‘ra, davlat budjetiga 59,2 ming AQSh dollari miqdorida soliq to‘lagani to‘g‘risida xabar berilgandi.
Izoh (0)