Rossiyaning Yekaterinburg shahri uchun zamonaviy retro-tramvay tayyorlandi. TJournal’ning xabar berishicha, bu haqda Sverdlovsk viloyati rahbari Yevgeniy Kuyvashev ma’lum qilgan.
Buning uchun asos sifatida zamonaviy, past polli tramvay (71-415 modeli) tanlab olinib, u XX asr uslubidagi retro-tramvayga aylantirilgan. Uning umumiy sig‘imi 199 kishi bo‘lib, o‘tirish uchun 30 ta joyi bor.
“Tashqi tomondan: korpusining dizayni, taxta o‘rindiqlari, hammasi o‘tgan asr vagonchalariga o‘xshatib, did bilan tayyorlangan. Asosi esa eng ilg‘or texnologiyalar ustiga qurilgan”, — deb yozgan Kuyvashev.
Tramvayni tayyorlagan “Uraltransmash” kompaniyasi matbuot xizmati ushbu transport vositasini “shahar ramziga aylanishi mumkin bo‘lgan” sayyohlik obyekti sifatida ko‘rayotganini ma’lum qilgan.
Izoh (0)