2020-yilda butun dunyo bo‘ylab aviahalokatlar oqibatida halok bo‘lganlar soni 299 kishini tashkil etdi, bu 2019-yilga nisbatan 42 kishiga ko‘p demak. Shu bilan birga, halokatlar soni ikki barobardan ortiqqa kamaygan — 86 tadan 40 taga. Bu haqda Niderlandiyaning To70 konsalting kompaniyasi ma’lumotlarida keltirilgan.
Aviahalokatlardagi o‘lim holati koronavirus pandemiyasi sabab xalqaro reyslar keskin kamayganiga qaramay ortgan. Shu sababli 2019-yilda har 5,5 million reysga bitta halokat to‘g‘ri kelgan bo‘lsa, 2020-yilda ushbu ko‘rsatkich 3,7 millionni tashkil etgan.
Shunga qaramay, so‘nggi o‘n yil ichida aviatashuvlar vaqtidagi o‘lim holatli sezilarli darajda kamaygan. 2005-yilda yirik tijoriy reyslarning samolyotlarida 1015 kishi halok bo‘lgan. Eng kam qurbonlar soni esa 2017-yilda qayd etilgan — 13 yo‘lovchi.
O‘tgan yili vafot etganlarning yarmidan ko‘pi — 167 kishi Erondagi halokat hisobiga to‘g‘ri kelmoqda. “Ukraina xalqaro avialiniyasi”ning Boeing 737 layneri 8-yanvar kuni Tehrondan ko‘tarilgach, xatolik sabab harbiylar tomonidan urib tushirilgan edi.
Mavzuga doir:
- Ukrainada An-26 samolyoti qulashi oqibatida halok bo‘lganlar soni 26 kishiga yetdi
- Hindistonda yo‘lovchi tashuvchi samolyot qo‘nish vaqtida ikkiga bo‘linib ketdi. Halok bo‘lganlar va jarohat olganlar bor
- Meksikadagi aviahalokat oqibatida olti kishi qurbon bo‘ldi
- Pokistonda sodir bo‘lgan aviahalokat oqibatida 97 kishi halok bo‘lgani ma’lum qilindi
Izoh (0)