Hindistonda AstraZeneca kompaniyasi va Oksford universiteti tomonidan yaratilgan koronavirusga qarshi vaksinadan foydalanishga ruxsat berildi, deb yozadi “Korrespondent.net”.
“AstraZeneca va Bharat Biotech vaksinalari bugun ma’qullanadi”, — deya ma’lum qiladi The Guardian manbalaridan biri.
Nashrning boshqa bir manbasi Hindiston tibbiyot dori vositalari standartini nazorat qilish tashkiloti mahalliy Bharat Biotech vaksinasini ham ma’qullashini tasdiqlagan.
Avvalroq Buyuk Britaniya hukumati Britaniya—Shvetsiya kompaniyasi AstraZeneca va Oksford universiteti tomonidan birgalikda ishlab chiqarilgan vaksinadan foydalanishni ma’qullagan edi. Buyuk Britaniya AstraZeneca vaksinasini ro‘yxatdan o‘tkazgan dunyodagi birinchi davlat bo‘ldi. Britaniya hukumati AstraZeneca vaksinasini litsenziyalash uchun asos bo‘lgan tadqiqot natijalarini e’lon qilmadi. Bu uni Pfizer/BioNTech va AQShda tasdiqlangan Moderna vaksinasidan ajratib turadi.
Eslatib o‘tamiz noyabr boshlarida Hindistonda koronavirusga qarshi Covaxin vaksinasi sinovining uchinchi – yakuniy bosqichi boshlangan edi. Preparat Bharat Biotech kompaniyasi tomonidan Hindiston tibbiy tadqiqotlar kengashi (ICMR) bilan hamkorlikda ishlab chiqilgan.
Izoh (0)