AQShda 4 milliondan ortiq kishiga koronavirusga qarshi vaksinaning birinchi dozasi qilindi. Bu haqda Kasalliklarni nazorat qilish va oldini olish markaziga (CDC) tayanib, “RBK” xabar bermoqda.
Ma’lum qilinishicha, 2-yanvar holatiga ko‘ra 4 million 225 ming nafar amerikalik Moderna va Pfizer/BioNTech kompaniyasining ikki komponentli vaksinasining birinchi inyeksiyasini olgan. Umumiy hisobda, tibbiyot muassasalari va emlash markazlariga 13 milliondan ortiq dozadagi vaksinalar tarqatilgan.
Ko‘proq aholi zich joylashgan shtatlar: Kaliforniya (412 ming), Texas (337 ming), Florida (246 ming) va Nyu-York (236 ming) aholisi emlangan. Vayoming (7,5 ming) va Kolumbiya okrugida kamroq (15 ming) kishi emlangan.
AQShda vaksinatsiya dekabr oyining o‘rtalarida, Pfizer / BioNTech birgalikda ishlab chiqargan preparat davlat ro‘yxatidan o‘tkazilgandan so‘ng boshlandi.
Kasalliklar nazorati va profilaktikasi markazlari (CDC) ma’lumotlariga ko‘ra, 2020-yil oxirigacha Amerika hukumati 40 million kishini emlashni rejalashtirmoqda.
1-yanvar kuni The New York Times gazetasi mamlakatdagi vaksinatsiya kampaniyasi belgilangan muddatdan ancha orqada qolgani haqida xabar bergan. Bunga asosiy sabab sifatida logistika bilan bog‘liq muammolar, tibbiyot va sog‘liqni saqlash xodimlarining vaksinalarni tarqatishga ulgurmayotgani va emlash kampaniyasi bayram va ta’til davriga to‘g‘ri kelib qolgani ko‘rsatilgan.
Izoh (0)