2020 йилда бутун дунё бўйлаб авиаҳалокатлар оқибатида ҳалок бўлганлар сони 299 кишини ташкил этди, бу 2019 йилга нисбатан 42 кишига кўп демак. Шу билан бирга, ҳалокатлар сони икки баробардан ортиққа камайган — 86 тадан 40 тага. Бу ҳақда Нидерландиянинг То70 консалтинг компанияси маълумотларида келтирилган.
Авиаҳалокатлардаги ўлим ҳолати коронавирус пандемияси сабаб халқаро рейслар кескин камайганига қарамай ортган. Шу сабабли 2019 йилда ҳар 5,5 миллион рейсга битта ҳалокат тўғри келган бўлса, 2020 йилда ушбу кўрсаткич 3,7 миллионни ташкил этган.
Шунга қарамай, сўнгги ўн йил ичида авиаташувлар вақтидаги ўлим ҳолатли сезиларли даражда камайган. 2005 йилда йирик тижорий рейсларнинг самолётларида 1015 киши ҳалок бўлган. Энг кам қурбонлар сони эса 2017 йилда қайд этилган — 13 йўловчи.
Ўтган йили вафот этганларнинг ярмидан кўпи — 167 киши Эрондаги ҳалокат ҳисобига тўғри келмоқда. «Украина халқаро авиалинияси»нинг Boeing 737 лайнери 8 январь куни Теҳрондан кўтарилгач, хатолик сабаб ҳарбийлар томонидан уриб туширилган эди.
Мавзуга доир:
- Украинада Ан-26 самолёти қулаши оқибатида ҳалок бўлганлар сони 26 кишига етди
- Ҳиндистонда йўловчи ташувчи самолёт қўниш вақтида иккига бўлиниб кетди. Ҳалок бўлганлар ва жароҳат олганлар бор
- Мексикадаги авиаҳалокат оқибатида олти киши қурбон бўлди
- Покистонда содир бўлган авиаҳалокат оқибатида 97 киши ҳалок бўлгани маълум қилинди
Изоҳ (0)