Yangi yil kechasi Fransiyada noma’lum shaxslar 861 ta avtomobilni yoqib yubordi. Bu haqda mamlakat politsiyasi va jandarmeriyasining yopiq ma’lumotlariga tayanib, Europe 1 radiostansiyasi xabar berdi.
Ma’lumotlarga ko‘ra, 2019-yilda 1457 ta mashina yoqib yuborilgan — bu hozircha qayd etilgan eng yuqori ko‘rsatkich hisoblanadi. Bu safar huquq-tartibot organlari Yangi yilni nishonlash bo‘yicha yakuniy hisobotida yoqib yuborilgan mashinalar sonini ko‘rsatmaslikka qaror qilgan.
IIV rahbari Jerald Darmanen yoshlar orasida bu borada bellashuvlar yuzaga kelmasligi uchun prefektlardan yoqib yuborilgan mashinalar sonini ko‘rsatmaslikni talab qilgan. Fransiyada 1-yanvarga o‘tar kechasi avtomobillarni yoqib yuborish an’anasi uzoq yillardan buyon mavjud, biroq hukumat hozirga bunga qarshi biror yechim topmagan.
Eslatib o‘tamiz, 2015-yilda ham Fransiyada Yangi yil kechasi 940 ta avtomobil yoqib yuborilgan edi.
Izoh (0)