TikTok shubhasiz 2020-yilning eng mashhur ijtimoiy tarmog‘iga aylandi. Agar unga hamon ishonchsizlik bilan qarab kelayotgan insonlar bo‘lsa, ularning ro‘yxatdan o‘tishi uchun yana bir sabab topildi — Qorbobo jenzerlarning sevimli tarmog‘ida o‘z akkauntini ochdi, deb xabar beradi Harper’s Bazaar.
Ma’lum qilinishicha, Qorboboning akkauntiga verifikatsiya belgisi ham berilgan. Sehrli bobo o‘z sahifasida qo‘shiqlar kuylaydi, Yangi yil raqsiga tushadi va Buyuk Ustyugdagi qarorgohini namoyish etadi. Shuningdek, u o‘z obunachilarini archa qanday bezatilganini namoyish etish borasidagi fleshmobga chorlab qolgan.
Hozirda akkauntning eng mashhur videosi “Diskoteka avariya” guruhining “Yangi yil” qo‘shig‘i ostida uyi bo‘ylab ekskursiya o‘tkazgani hisoblanadi — unga qariyb 7 ming kishi layk bosgan.
Ma’lumot uchun, Qorboboning Instagram’da ham akkaunti bo‘lib, u yerda dunyo bo‘ylab sayohatlarining suratlari joylab boriladi, xuddi blogerlardek to‘g‘ridan to‘g‘ri efir hamda tanlovlar o‘tkazib keladi.
Izoh (0)