Xitoy rahbariyati COVID-19’ni keltirib chiqaradigan SARS-CoV-2 virusining kelib chiqishi bo‘yicha tadqiqotlarni qattiq nazorat qilmoqda. Bu haqda Associated Press xabar qildi.
Xitoy hukumati virusning kelib chiqishini o‘rganayotgan olimlarga yuz ming AQSh dollarilik grantlar ajratmoqda. Rasmiylar tadqiqot natijalarini kuzatib bormoqda. Shuningdek, rasmiylar olimlardan tadqiqot natijalari hukumat tomonidan tuzilgan maxsus guruh tasdiqlagandan so‘ng chop etishni talab qilmoqda.
Bundan tashqari, agentlik ma’lumotlariga ko‘ra, Xitoy janubida joylashgan Yunnan provinsiyasidagi ko‘rshapalaklar yashaydigan g‘orlar Xitoy “hukumatning doimiy e’tiborida” turibdi. AP muxbirlari Yunnandagi bir nechta g‘orlarga kira olmagan. Agentlik ma’lumotlariga ko‘ra, muxbirlarni g‘orlarga kirishiga ularni butun viloyat bo‘ylab kuzatib borgan Xitoy davlat xavfsizlik agentlari ruxsat bermagan.
Ayniqsa, 2013-yilda RaTG13 virusi (SARS-CoV-2 virusining eng yaqin genetik qarindoshi) topilgan ko‘rshapalaklar yashaydigan tashlandiq kon qattiq himoyalangan.
COVID-19 epidemiyasi boshlanishi bilan xitoylik olimlar SARS-CoV-2 virusining asosiy manbai bo‘lgan hayvonlarni, jumladan, Yunnandagi ko‘rshapalaklarni ham o‘rganishni boshlagan
2020-yil fevral oyida Xitoydagi davlat ommaviy axborot vositalari hukumat tomonidan 214 ming dollar miqdorida grant olgan olimlar guruhi tadqiqot uchun Yunnan provinsiyasida yuzlab ko‘rshapalaklar va boshqa hayvonlarning namunalarini to‘plaganliklari haqida xabar berdi.
Tadqiqot ma’lumotlari haligacha nashr etilmadi. Hukumat tomonidan qo‘llab-quvvatlanmaydigan olimlarning AP’ga aytishicha, ular uchun janubiy Xitoyda hayvonlarni o‘rganish uchun ruxsat olish juda qiyin.
Yunnan provinsiyasidagi g‘orlarga kirish bilan bog‘liq qiyinchiliklar haqida BBC News 2020-yil dekabrida ham xabar bergan. AP ham, BBC News ham SARS-CoV-2’ning Xitoydan kelib chiqishini o‘rganish bo‘yicha rasmiy ma’lumotlar juda kamligini ta’kidladi. Shu bilan birga, Xitoy propagandasi virus Xitoyda paydo bo‘lmaganligini da’vo qilmoqda, deb xabar bergan BBC News.
Pentagon 2020-yil aprel oyida koronavirus tabiiy usulda kelib chiqqaniga yetarli dalillar borligini bildirgandi. Shuningdek, AQSh davlat kotibi koronavirus pandemiyasida aybdorlar javobgarlikka tortilishini aytgandi.
Izoh (0)