Toshkent shahar Uchtepa tumanida 30-dekabr kuni “Qorbobolar paradi” bo‘lib o‘tadi. Bu haqda Uchtepa tuman hokimligi matbuot xizmati xabar berdi.
Ma’lum qilinishicha, “Qorbobolar paradi” munosabat bilan soat 14:00 dan 15:00 ga qadar Uchtepa tumani Farhod va Foziltepa ko‘chasi kesishuvidan Katta Xirmontepa ko‘chasigacha bo‘lgan qismi hamda Katta Xirmontepa ko‘chasidan “Seul eko” bog‘igacha bo‘lgan qismida avtotransportlar harakatlanishi vaqtincha to‘xtatildi.
“Barcha uchtepaliklarni ushbu tadbirlarimizga taklif etamiz va vaqtinchalik noqulayliklar uchun uzr so‘raymiz”, — deyiladi xabarda.
Avvalroq Germaniyada yuzlab Santa Klauslar bayramga bag‘ishlangan yugurish musobaqasida ishtirok etgani to‘g‘risida xabar berilgandi.
Izoh (0)