Тошкент шаҳар Учтепа туманида 30 декабрь куни «Қорбоболар паради» бўлиб ўтади. Бу ҳақда Учтепа туман ҳокимлиги матбуот хизмати хабар берди.
Маълум қилинишича, «Қорбоболар паради» муносабат билан соат 14:00 дан 15:00 га қадар Учтепа тумани Фарҳод ва Фозилтепа кўчаси кесишувидан Катта Хирмонтепа кўчасигача бўлган қисми ҳамда Катта Хирмонтепа кўчасидан «Сеул эко» боғигача бўлган қисмида автотранспортлар ҳаракатланиши вақтинча тўхтатилди.
«Барча учтепаликларни ушбу тадбирларимизга таклиф этамиз ва вақтинчалик ноқулайликлар учун узр сўраймиз», — дейилади хабарда.
Аввалроқ Германияда юзлаб Санта Клауслар байрамга бағишланган югуриш мусобақасида иштирок этгани тўғрисида хабар берилганди.
Изоҳ (0)