25-dekabr kuni Rojdestvo tongida Amerikaning Tennessi shtati poytaxti Neshvill shahri markazida g‘ildirakli uy portlab ketdi, deb yozadi Meduza. Buning oqibatida bir kishi — avtotreylerning 63 yoshli xo‘jayini Entoni Kuinn Uorner vafot etdi. Politsiyachilar furgon ichidan eshitilgan, portlash haqidagi ogohlantirishni eshitmaganida va yaqin atrofdagi binolardan odamlarni evakuatsiya qilmaganida, qurbonlar ko‘proq bo‘lishi mumkin edi. Norasmiy ma’lumotlarga ko‘ra, portlashga Uornerning 5G texnologiyalari borasidagi “paranoyya”si sabab bo‘lgan bo‘lishi mumkin.
O‘zi nima bo‘lgan edi?
25-dekabr kuni ertalab 6:30 da Neshvill markazida g‘ildirakli uy portlab ketdi. Portlashdan oldin undan ayol kishining “kompyuterlashtirilgan” baland ovozi yangragan. Ovoz avtomobil 15 daqiqadan keyin portlashi haqida ogohlantirgan va portlashgacha qolgan vaqtni teskari tartibda sanay boshlagan. “Agar bu xabarni eshitayotgan bo‘lsangiz, zudlik bilan evakuatsiya qiling”, — degan ovoz.Shu bilan bir vaqtda avtotreyler dinamiklaridan britaniyalik qo‘shiqchi Petula Klarkning Downtown qo‘shig‘i yangragan. 1964-yilda chiqqan qo‘shiq “bir o‘zing bo‘lganingda va hayot seni yolg‘iz his qildirayotgan bo‘lsa, shahar markaziga bor” degan so‘zlar bilan boshlanadi. Keyin esa u yerda “chiroqlar ancha yorqinroq” ekanligi va “muammolar va tashvishlar haqida” unutish mumkinligi aytiladi.
Portlash sodir bo‘lgan ko‘cha Neshvill markazida joylashgan, u yerda tarixiy binolar ko‘p bo‘lib, ular kafe va barlarni o‘z ichiga olgan. Avtotreyler Amerikaning AT&T telekommunikatsiya kompaniyasining data-markazi yaqinida to‘xtab turgan. Portlash to‘lqini yaqinda joylashgan uylarning oynalarini sindirdi, AT&T ofisi qarshisida joylashgan binoning old qismini vayron qildi, uchta avtomobilni yo‘q qildi, daraxtlarni qulatdi.
Bundan tashqari, data-markazga yetgan zarar tufayli Tennessining ba’zi qismlarida, shuningdek, Qo‘shni Alabama va Kentukki shtatlarida uyali aloqa va internet vaqtinchalik ishlamay qoldi. Buning natijasida politsiya va tibbiyot muassasalarining favqulodda raqamlariga ham tushib bo‘lmagan.
This is video of Friday morning's explosion recorded by an MNPD camera at 2nd Ave N & Commerce St. pic.twitter.com/3vaXhoUOAR
— Metro Nashville PD (@MNPDNashville) December 28, 2020
Kimlar jabrlandi?
Portlash oqibatida bir kishi halok bo‘ldi. Bu 63 yoshli Entoni Kuinn Uorner. U avtotreyler egasi bo‘lgan va voqea joyidan topilgan odam qoldiqlarining DNK-tahliliga ko‘ra, furgon portlagan vaqtda uning ichida bo‘lgan.The #FBI and #ATF are seeking info concerning the owner of the RV, Anthony Quinn Warner, linked to the explosion in downtown Nashville on Friday morning. Recognize him? Call 1-800-CALL-FBI or submit tips online at https://t.co/hG6KFmQ7dG. @FBI @ATFHQ @ATFNashville pic.twitter.com/o8fqiHkATl
— FBI Memphis (@FBIMemphis) December 28, 2020
Yana uch kishi jarohatlar bilan kasalxonaga yetkazilgan: ular barqaror holatda. Agar voqea joyiga politsiyachilar borib qolmaganida qurbonlar ko‘proq bo‘lardi. Politsiya xodimi Jeyms Luellin o‘q uzilganligi haqidagi xabarlar tufayli furgon turgan ko‘chaga yetib kelgan. Bu ma’lumot tasdiqlanmagan, qaytaga politsiyachi portlash haqidagi ogohlantirishni eshitib qolgan.
Luellin qo‘shimcha kuchlarni chaqirgan, unga yordam berish uchun yana besh hamkasbi yetib kelgan. Ular birgalikda g‘ildirakli uy to‘xtab turgan dahaga kirish joylarini to‘sib qo‘ygan va qo‘shni uylar eshiklarini taqillatib, odamlardan xavfsiz masofaga uzoqlashishni iltimos qila boshlagan. Ular uydan chiqarib yuborgan odamlar orasida to‘rt bolali ayol ham bo‘lgan.
26-dekabr kuni olti politsiyachining besh nafari matbuot anjumanida qatnashdi, u yerda ularga odamlar hayotini saqlab qolgani uchun minnatdorlik bildirildi. “Bu bizni bir umrga, hayotimizning qolgan qismi davomida bog‘lab turadi. Rojdestvo endi hech qachon avvalgidek bo‘lmaydi”, — dedi portlash oqibatida eshitish qobiliyatidan qisman mahrum bo‘lgan ofitser Jeyms Uells.
Chief John Drake joined the five officers in an emotional group hug after this morning's news conference. pic.twitter.com/7eECAJYNBQ
— Metro Nashville PD (@MNPDNashville) December 27, 2020
Kim aybdor?
FQB fikricha, portlashni Entoni Kuinn Uornerning o‘zi sodir etgan. Uning sheriklari bo‘lmagan, deb taxmin qilinmoqda. Federal agentlar kuzatuv kameralaridan olingan ko‘p soatli qaydlarni ko‘rib chiqib, shunday xulosaga keldi: portlashdan oldin ko‘chada Uornerdan boshqa hech kim bo‘lmagan. Amerikalikning xatti-harakatini tergov ommaviy qotillik sodir etishga urinish emas, balki o‘z joniga qasd qilish deb hisobladi.Uorner Neshvill tashqarisida — Antioxiyadagi ikki qavatli uyda yashagan, u shahar markazidan, taxminan, 18 kilometr uzoqlikda joylashgan. U yolg‘iz yashagan va Daily Mail ma’lumotlariga ko‘ra, marhum akasining merosi tufayli onasi bilan o‘rtalarida kelishmovchilik bo‘lgan. Uornerning tanishlari uni tinch, xotirjam, biroz g‘alati odam, “kompyuter botanigi” sifatida tavsifladi. U IT sohasida frilanser bo‘lib ishlagan. Shuningdek, 1990-yillarda u qo‘riqlov signalizatsiyalari savdosi bo‘yicha biznesga egalik qilgan.
Marhumga buyurtmalar bergan Fridrich & Clark Realty ko‘chmas mulk agentligi rahbari Stiv Fridrix FQBga ma’lum qilishicha, dekabr boshida Uorner unga pensiyaga chiqayotganini aytgan. Shuningdek, Uorner sobiq ma’shuqasiga mashinasini sovg‘a qilib yuborgan va unda onkologik kasallik borligini aytgan (bu rost yoki yolg‘onligi noaniq). Bundan tashqari, matbuot ma’lumotlariga qaraganda, vafotidan bir oy avval u o‘z uyini los-anjeleslik Mishel Suing ismli ayol nomiga o‘tkazgan. Uning Uornerga qanday bog‘liqligi borligi noma’lum.
Shu paytgacha Uorner hech qachon politsiya e’tiboriga tushmagan. U bu qilmishini nima maqsadda amalga oshirgani hozircha aniq emas. Associated Press manbasiga ko‘ra, Uorner AT&T operatori binosini nishonga olgan bo‘lishi ham mumkin (uning g‘ildirakli uyi portlashdan oldin shu yerda to‘xtab turgandi).
FQB agentlari Uornerning qo‘shnilaridan unda 5G borasida “paranoyya” bo‘lgan-bo‘lmaganligi haqida so‘ragan. Fitna nazariyasi tarafdorlari fikricha, ushbu aloqa texnologiyasi odamlarni kuzatish, onkologik kasalliklar va koronavirus tarqatish maqsadlarida qo‘llanilishi mumkin.
Daily Mail’ning tekshiruvga yaqin manbasiga qaraganda, Uorner rostan ham 5G odamlarni o‘ldirish uchun qo‘llaniladi, degan fikrda bo‘lgan. U 2011-yilda otasi demensiya (aqli pastlik)dan vafot etganidan keyin bunga ishonishni boshlagani haqidagi versiya tekshirilmoqda. FOX manbalari ma’lum qilishicha, Uornerning otasi 2006-yilda AT&T tarkibiga kirgan BellSouth kompaniyasida ko‘p yillar ishlagan.
“Hozircha norasmiy motiv shundan iboratki, gumonlanuvchi 5G o‘limlarga sabab bo‘lishini, portlashdan keyin uni qahramon deb e’lon qilishlarini taxmin qilgan”, — dedi Daily Mail hamsuhbati.
Izoh (0)