25-dekabr soat 06:30 larda AQShning Neshvill shahrida g‘ildiraklar ustidagi uy portlab ketdi. Bundan oldin mahalliy aholi otishma ovozlarini eshitgan. Shundan so‘ng, avtoturargohdagi furgondan ayol kishining “kompyuterlashtirilgan” ovozi yangrab, avtomobil portlashi haqida ogohlantirgan, deb xabar beradi Meduza.
Betsi Uilyams ismli fuqaroning so‘zlariga ko‘ra, furgondan chiqqan ovoz portlashgacha bo‘lgan vaqtni sanagan. Avvaliga “Avtomobil 15 daqiqadan so‘ng portlaydi”, shundan so‘ng, “ushbu avtomobil 14 daqiqadan so‘ng portlaydi” jumlalari yangragan. Yozib olingan ovoz voqea joyiga politsiyachilar yetib kelganidan keyin eshita boshlagan. Politsiyachilar uyma-uy yurib mahalliy aholini evakuatsiya qilgan.
Furgon portlaganida atrofda joylashgan kamida 41 ta tijoriy binolarga shikast yetgan, yana bitta bino qisman qulab tushgan. WTVF ma’lumotlarga ko‘ra, portlash sabab AT&T telekommunikatsiya kompaniyasining tarmog‘i ishdan chiqqan. Nosozlik sabab rasmiylar Neshvill uzra parvozlarni vaqtincha to‘xtatib qo‘ygan.
https://www.instagram.com/p/CJQI34rAfis/
Neshvill meri Jon Kuper va politsiya ushbu portlashni “qasddan amalga oshirilgan” deb hisoblamoqda. Jinoyatchining niyatni noma’lum. Portlash joyidan inson qoldiqlari ham topilgan bo‘lib, u kimga tegishligi hozircha ma’lum emas.
BREAKING: This is the RV that exploded on 2nd Ave N this morning. It arrived on 2nd Ave at 1:22 a.m. Have you seen this vehicle in our area or do you have information about it? Please contact us via Crime Stoppers at 615-742-7463 or online via https://t.co/dVGS7o0m4v. @ATFHQ pic.twitter.com/JNx9sDinAH
— Metro Nashville PD (@MNPDNashville) December 25, 2020
Surishtiruv ishlari bilan FQB shug‘ullanmoqda. Ishga yordam beradigan har qanday ma’lumotni aytgan insonga 25,5 ming dollar miqdorida mukofot va’da qiliangan. Politsiya ko‘chada tunggi 01:22 da, ya’ni portlashdan 5 soat oldin paydo bo‘lgan furgonning suratlarini e’lon qilgan.
Izoh (0)