Prezident Shavkat Mirziyoyev “2021-yil uchun davlat budjeti to‘g‘risida”gi qonunni imzoladi.
Unga ko‘ra, 2021-yilda mamlakat iqtisodiyoti odatdagi ko‘rsatkichlariga qaytishi taxmin qilinmoqda — yalpi ichki mahsulot (YaIM) 688,9 trillion so‘mni, o‘sish sur’ati esa 5,1 foizni tashkil qiladi, deb yozmoqda Spot.
Taqqoslash uchun, 2019-yilda YaIM 5,5 foiz o‘sish sur’ati bilan 511,8 trillion so‘mni tashkil qilgan, ammo 2020-yil yakunlari bo‘yicha bu ko‘rsatkich ancha past bo‘lishi taxmin qilinmoqda. Shunga qaramay, O‘zbekiston kamsonli mamlakatlar qatorida tanazzulni chetlab o‘tib, minusga qarab ketmaslikka erishdi.
Narxlar 9—10 foizga ko‘tarilishi kutilmoqda. Bu 2017-yildan buyon eng past ko‘rsatkich bo‘ladi. Bunga qadar 3—5 foizni tashkil etgan, ammo ushbu raqamlar ishonchliligiga shubha bor.
Budjet daromadlari 178,7 trillion so‘m, xarajatlar 216,2 trillion so‘m atrofida bo‘lishi taxmin qilinmoqda. Daromadning asosiy manbayi qo‘shilgan qiymat solig‘i (QQS) bo‘lib qolmoqda — 46,9 trillion so‘m.
Viloyatlar orasida faqat uchta hududda — Navoiy viloyati, Toshkent va Toshkent viloyatida daromadlar xarajatlar soniga teng bo‘lishi kutilmoqda. Qolgan hududlarda daromadlar soni xarajatlardan ancha past bo‘lishi kutilmoqda.
Budjet taqsimotida eng katta ulush Moliya vazirligi (52,8 trillion so‘m) va Xalq ta’limi vazirligiga (21,9 trillion so‘m) to‘g‘ri kelmoqda. Ushbu mablag‘lar aholini uy-joy bilan ta’minlash va boshqa dasturlarni moliyalashtirishga sarflanadi.
2021-yilda tashqi qarz YaIMning 60 foizi bilan cheklangan (2019-yili 50 foiz edi), hukumat kafolati bilan bitta bitimda 5,5 milliard dollardan ko‘p bo‘lmagan qarz olish mumkin (avval 4 milliard dollarni tashkil etgan).
2020-yil qonun bilan faqat yig‘imlar — mahalliy, avtotransport (o‘zgarishsiz qolgan) va ijara uchun miqdori tasdiqlanadi. Masalan, 2019-yili soliqlar va bojxona to‘lovlari stavkalari mavjud edi. 2021-yil uchun ular boshqa hujjatlar bilan tasdiqlanadi.
Izoh (0)