Шавкат Мирзиёев 2021 йил учун давлат бюджетини тасдиқлади

Президент Шавкат Мирзиёев «2021 йил учун давлат бюджети тўғрисида»ги қонунни имзолади.

Унга кўра, 2021 йилда мамлакат иқтисодиёти одатдаги кўрсаткичларига қайтиши тахмин қилинмоқда — ялпи ички маҳсулот (ЯИМ) 688,9 триллион сўмни, ўсиш суръати эса 5,1 фоизни ташкил қилади, деб ёзмоқда Spot.

Таққослаш учун, 2019 йилда ЯИМ 5,5 фоиз ўсиш суръати билан 511,8 триллион сўмни ташкил қилган, аммо 2020 йил якунлари бўйича бу кўрсаткич анча паст бўлиши тахмин қилинмоқда. Шунга қарамай, Ўзбекистон камсонли мамлакатлар қаторида таназзулни четлаб ўтиб, минусга қараб кетмасликка эришди.

Нархлар 9—10 фоизга кўтарилиши кутилмоқда. Бу 2017 йилдан буён энг паст кўрсаткич бўлади. Бунга қадар 3—5 фоизни ташкил этган, аммо ушбу рақамлар ишончлилигига шубҳа бор.

Бюджет даромадлари 178,7 триллион сўм, харажатлар 216,2 триллион сўм атрофида бўлиши тахмин қилинмоқда. Даромаднинг асосий манбайи қўшилган қиймат солиғи (ҚҚС) бўлиб қолмоқда — 46,9 триллион сўм.

Вилоятлар орасида фақат учта ҳудудда — Навоий вилояти, Тошкент ва Тошкент вилоятида даромадлар харажатлар сонига тенг бўлиши кутилмоқда. Қолган ҳудудларда даромадлар сони харажатлардан анча паст бўлиши кутилмоқда.

Бюджет тақсимотида энг катта улуш Молия вазирлиги (52,8 триллион сўм) ва Халқ таълими вазирлигига (21,9 триллион сўм) тўғри келмоқда. Ушбу маблағлар аҳолини уй-жой билан таъминлаш ва бошқа дастурларни молиялаштиришга сарфланади.

2021 йилда ташқи қарз ЯИМнинг 60 фоизи билан чекланган (2019 йили 50 фоиз эди), ҳукумат кафолати билан битта битимда 5,5 миллиард доллардан кўп бўлмаган қарз олиш мумкин (аввал 4 миллиард долларни ташкил этган).

2020 йил қонун билан фақат йиғимлар — маҳаллий, автотранспорт (ўзгаришсиз қолган) ва ижара учун миқдори тасдиқланади. Масалан, 2019 йили солиқлар ва божхона тўловлари ставкалари мавжуд эди. 2021 йил учун улар бошқа ҳужжатлар билан тасдиқланади.