Samarqand viloyatining Oqdaryo tumanida Isuzu yuk mashinasi va yo‘lovchi tashuvchi avtobus ishtirokida YTH sodir bo‘ldi. Bu haqda Ichki ishlar vazirligining Yo‘l harakati xavfsizligi bosh boshqarmasi xabar berdi.
Dastlabki ma’lumotlarga ko‘ra, 27-dekabr kuni soat 17:00 larda Oqdaryo tumani hududidan o‘tgan M 37 avtomobil yo‘lining 14-kilometrida 1984-yilda tug‘ilgan haydovchi S.A. Isuzu rusumli yuk avtomobilini Samarqand—Kattaqo‘rg‘on yo‘nalishida boshqarayotib ehtiyotsizligi oqibatida o‘zidan oldinda bo‘lgan haydovchi, 1974-yilda tug‘ilgan B.A. boshqaruvidagi yo‘lovchi tashuvchi avtobusning orqa tomoniga urilgan. Zarb oqibatida avtobus o‘ng tomon pastlikka ag‘darilgan.
Avtobusda bo‘lgan yo‘lovchilardan bir nafari birinchi tez tibbiy yordam ko‘rsatish maqsadida shifoxonaga olib ketilgan.
Mazkur YTH yuzasidan Oqdaryo tumani IIB YHXB tomonidan surishtiruv ishlari olib borilib, hodisa sabablariga aniqlik kiritilmoqda.
Avvalroq Samarqandda avtobus “Niva” bilan to‘qnashib, yo‘lga ag‘darilgani, Toshkentda 47-sonli yo‘nalishda harakatlanuvchi avtobus yonib ketgani, Jizzaxda Nexia bilan to‘qnashgan avtobus yo‘lga ag‘darilgani, shuningdek, Toshkentda yo‘l talashgan Mercedes va Isuzu avtobuslari bir-biriga urilib ketgani to‘g‘risida xabar berilgandi.
Izoh (0)