Америкалик боксчи Теофимо Лопеснинг (16-0, 12 КО) украиналик Василий Ломаченкога (14-2, 10 КО) қарши жангдаги ғалабаси The Ring талқинига кўра «йил апсети» (кутилмаган натижа) деб тан олинди.
«Атиги 23 ёшда бўлган Лопес Ломаченконинг тажрибасига яқин ҳам кела олмасди. У ғалаба қозониши керак эмас эди, бироқ ғалаба қайд этди. Лопеснинг машҳур Ломаченкога қарши жанги йилнинг энг зўр воқеаси деб топилди.
2020 йилдаги ҳеч бир натижа бу буюк жангга яқин кела олмади», — дейилади The Ring шарҳида.
Эслатиб ўтамиз, Ломаченко октябрь ойида бўлиб ўтган жангда ҳакамлар қарорига кўра Лопесга ютқазиб қўйиб, WBA, WBO, IBF ва WBC Franchise камарларини бой берганди.
Мавзуга доир:
- Василий Ломаченко: «Ҳакамлар қарорига қўшилмайман»
- Василий Ломаченкони мағлуб этган Теофимо Лопес бокс тарихига кирди
- Теофимо Лопес: «Ломаченкодан узр сўрадим»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)