Daniyada koronavirusning yangi shtammi aniqlangani sabab o‘ldirilgan to‘rt million qorako‘zanning (norka) qoldiqlari kovlab olinadi, deb xabar beradi Meduza.
Eksgumatsiya bir necha oydan so‘ng — hayvonlar jasadida koronavirus izlari qolmaganidan keyin amalga oshiriladi. Shundan so‘ng ular chiqindi yoqish zavodida yoqib yuboriladi.
Hukumat bu kabi qarorni ko‘milgan qorako‘zanlarning jasadi ularning chirishi natijasida hosil bo‘lgan gazlar sabab yer yuzasiga ko‘tarilib qolayotgani bois qabul qilgan. Mahalliy hukumatning ta’kidlashicha, buning natijasida ko‘milgan joydan bir necha yuz metr naridagi daryo suvi ifloslanishi mumkin.
Eslatib o‘tamiz, 4-noyabr kuni Daniya hukumati hayvonlarda koronavirus infeksiyasini keltirib chiqaradigan SARS-CoV-2 virusi mutatsiyasiga uchraganidan keyin mamlakatdagi barcha fermer xo‘jaliklarida qorako‘zanlar yo‘q qilinishini ma’lum qildi. Ushbu virus shtammlari organizmning koronavirusga qarshi antitanani ishlab chiqarish qobiliyatini pasaytiradi, bu esa kelajakdagi vaksinalar samaradorligini nazariy jihatdan pasaytirishi mumkin. Shuningdek, Irlandiya hukumati Daniya tajribasidan keyin barcha qorako‘zanlarni yo‘q qilishni tavsiya etgan.
Izoh (0)