Rossiyada sutka davomida 29 350 kishida koronavirus aniqlanib, pandemiya boshidan buyon kasallanganlar soni ortishi bo‘yicha tarixiy rekord bo‘ldi, deb xabar bermoqda Meduza.

Koronavirusga qarshi kurashish federal shtab ma’lumotlariga ko‘ra, mamlakatda jami 2 877 727 kishida virus qayd etilgan.

Yangi kasallanish holatlarining eng ko‘pi Moskva (+7797 kishi), Sankt-Peterburg (+3752) va Moskva viloyatida aniqlangan (+1523).

Sutka davomida COVID-19 bermolarining 493 (pandemiya davridan buyon esa 51 351 kishi) nafari vafot etgan. Shu kuni 18 705 kishi (pandemiya davridan buyon 2 295 362) kishi sog‘aygan.

“Rospotrebnadzor” ma’lumotlariga ko‘ra, Rossiyada koronavirusni aniqlash bo‘yicha jami 86,3 milliontadan ortiq, so‘nggi bir kecha-kunduzda esa 437 mingta test o‘tkazilgan.

Dekabr oyidan boshlab Rossiyaning barcha hududlarida koronavirusga qarshi emlash boshlandi. “Rospotrebnadzor” rahbari Anna Popova Rossiyada COVID-19 pandemiyasi bahorda tugashini taxmin qilgan. “Agar biz harakat qilsak, undan ham avval tugashi mumkin. Bu hammamizga bog‘liq”, — degan edi u.