Bugun,

  • USD 11095.31
  • RUB 173.84
  • EUR 10772.44

Daniya fermalaridagi qorako‘zanlarda (norka) koronavirus aniqlangani bois ularning barchasi o‘ldirilishi haqida xabar berilgandi. Jahon sog‘liqni saqlash tashkiloti (JSST) ma’lum qilishicha, Daniyadan tashqari, Ispaniya, Italiya, AQSh, Niderlandiya va Shvetsiyada ham qorako‘zanlar koronavirus bilan kasallangani aniqlangan. Bu haqda Meduza xabar qilmoqda.

Foto: RIA Novosti

Foto: RIA Novosti

JSST ma’lumotlariga ko‘ra, barcha holatlarda virus hayvonlarga odamlardan yuqqan. Biroq, tashkilotning ta’kidlashicha, ulardan odamga yuqishi ehtimoli mavjud.

JSST barcha bioxavfsizlik choralarini kuzatish va qorako‘zanlardagi virus mutatsiyasini o‘rganishni davom ettirish uchun hayvonlarni, birinchi navbatda qorako‘zanlarga ega mo‘ynali fermer xo‘jaliklari ustidan nazoratni kuchaytirishni tavsiya qiladi.

Daniya hukumati 5-noyabr kuni hayvonlarda mutatsiyaga uchragan COVID-19 virusi topilganidan keyin mamlakatdagi barcha mo‘ynali fermer xo‘jaliklarida qorako‘zanlarni yo‘q qilishlarini ma’lum qildi. Gap taxminan besh million qorako‘zan haqida ketmoqda. Daniya dunyodagi eng yirik qorako‘zan mo‘ynasini yetkazib beruvchi davlat hisoblanadi.

Ilgari Ispaniya va Gollandiyadagi fermer xo‘jaliklarida koronavirus yuqtirgan qorako‘zan haqida ma’lum bo‘lgan. Umuman olganda, ushbu mamlakatlarda 110 mingdan ortiq qorako‘zanlar yo‘q qilindi.

Daniyada qorako‘zanlar orasida koronavirus iyun oyida aniqlangan edi. Daniya davlat qon zardoblari insituti direktori Kare Molbakning ta’kidlashicha, eng yomon ssenariy yuzaga kelsa, “Daniyadan tarqaluvchi yangi pandemiya” boshlanishi mumkin.

Eslatib o‘tamiz, aprel oxirlarida AQShda ilk bor mushuklarda ham koronavirus qayd etilgandi. Undan avvalroq esa Nyu-Yorkdagi Bronks hayvonot bog‘ida yo‘lbars koronavirus yuqtirib olgani haqida xabar berilgan edi. Shuningdek, may oyida Niderlandiyada koronavirus qorako‘zandan insonga yuqishi aniqlangan.

Izoh
Asosiy yangiliklar
Mahalliy
Toshkentda Turkiyadagi zilziladan jabr ko‘rganlar uchun yordam qabul qilinmoqda
Shou-biznes
Qashshoq oilada tug‘ilgan bo‘lsa ham, hayotda o‘z o‘rniga ega bo‘lishni uddalagan Gollivud yulduzlari (foto)
Dunyo
“Stalindan keyingi ikkinchi odam” — Malenkovning hokimiyatdan chetlatilishi, boshi tanasidan judo etilgan Shotlandiya qirolichasi va Kanadada to‘qnashgan ikki poye...