“Barselona” hujumchisi Lionel Messi La Liga 14-turi doirasida “Valensiya”ga qarshi kechgan 19-dekabr kungi bahsda (2:2) penalti ijro etdi.
Birinchi bo‘lim yakunlanishi arafasida argentinalik futbolchi penaltidan unumli foydalana olmadi, biroq ikkinchi tempda yuzaga kelgan hujumni golga aylantirdi.
Bu Messi uchun La Ligadagi 72-penalti bo‘ldi. Bu borada Lionel “Real” sobiq hujumchisi, hozirda “Yuventus”da to‘p tepayotgan Krishtianu Ronalduning rekordini takrorladi. Portugaliyalik futbolchi 2009—2018-yillar oralig‘ida Primera 72 marta 11 metrlik jarima zarbasini ijro etgandi.
Messi “Barselona” asosiy jamoasida 2004-yildan buyon to‘p surib keladi.
33 yoshli futbolchi 2020/21-yilgi mavsum La Ligada 13 o‘yin o‘tkazib, 6 ta gol urishga muvaffaq bo‘ldi. Gollarning ikkitasi penaltidan kiritildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)