A Seriya. “Yuventus” safarda yirik hisobda g‘alaba qozondi, Krishtianu Ronaldudan dubl
Futbol bo‘yicha Italiya A Seriyasining 13-turida “Yuventus” 19-dekabr, shanba kuni “Parma” maydonida mehmon bo‘ldi.
Uchrashuvning 23-daqiqasida Deyan Kulusevski turinliklarni oldinga olib chiqqan bo‘lsa, oradan uch daqiqa o‘tib Krishtianu Ronaldu hisobni oshirdi.
Ikkinchi bo‘lim debyutida Ronaldu o‘zining ikkinchi, jamoasining esa uchinchi to‘pini kiritdi. Uchrashuv yakunlanishi arafasida Alvaro Morata yakuniy hisobni o‘rnatdi — 0:4.
Ushbu g‘alabadan keyin “Yuventus” ochkolarini 27 taga yetkazib olgan holda 2-o‘ringa ko‘tarildi. “Parma” (12) esa 15-pog‘onada bormoqda.
A Seriya
13-tur bahslari
19-dekabr, shanba
“Parma” — “Yuventus” 0:4
Gollar: 0:1 – 23 Kulusevski, 0:2 – 26 Ronaldu, 0:3 – 48 Ronaldu, 0:4 – 85 Morata.“Parma”: Sepe, Yakoponi (Byusi, 60), Osorio, Brunu Alvesh, Galolo, Ernani, Zom, Kurtich (Brugman, 85), Kutska (Sipren, 60), Kornelius (Ingleze, 61), Jervinyo (Karamo, 46).
“Yuventus”: Buffon, Danilo, Bonuchchi (Kuadrado, 76), de Ligt, Kulusevski, Makkenni (Portanova, 76), Bentankur, Remzi (Bernardeski, 68), Aleks Sandro, Morata, Ronaldu (Kyeza, 82).
Ogohlantirishlar: Danilo (40).
“Fiorentina” — “Verona” 1:1
Gollar: 0:1 – 8, penalti Velozu, 1:1 – 19, penalti Vlaxovich.“Sampdoriya” — “Krotone” 3:1
Gollar: 1:0 – 26 Damsgor, 2:0 – 36 Yankto, 2:1 – 45, penalti Nvankvo, 3:1 – 65 Kualyarella.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
