Futbol bo‘yicha Germaniya Bundesligasining 13-turidan o‘rin olgan bir qator uchrashuvlar 19-dekabr, shanba kuni bo‘lib o‘tdi.
“Bavariya” musobaqa peshqadami “Bayer” maydoniga safar qildi. Mezbonlar 14-daqiqada Patrik Shikning Zidan uslubida yo‘llagan super zarbasi evaziga oldinga o‘tib oldi. Birinchi bo‘lim yakunida Robert Levandovski hisobni tenglashtirdi.
Ikkinchi bo‘limda ham ikki jamoa vakillarida qator imkoniyatlar yuzaga keldi. Hakam tomonidan qo‘shib berilgan vaqtda Levandovski g‘alaba to‘pini kiritishga erishdi.
Ushbu g‘alabadan keyin myunxenliklar ochkolarini 30 taga yetkazib olgan holda birinchi o‘ringa ko‘tarildi. “Bayer” (28) esa ikkinchi pog‘onaga tushdi.
Myunxengladbaxning “Borussiya”si o‘z uyida “Hoffenhaym”ga imkoniyatni boy berib qo‘ydi. “Leypsig” esa “Kyoln”ni yenga olmadi.
Bundesliga
13-tur bahslari
19-dekabr, shanba
“Bayer” — “Bavariya” 1:2
Gollar: 1:0 – 14 Shik, 1:1 – 43 Levandovski, 1:2 – 90+3 Levandovski.“Bayer”: Gradetski, Dragovich, Ta, Tapsoba, Sinkgraven, Baumgartlinger, Amiri, Virts, Shik (Alario, 82), Beyli (Demirbay, 74), Diabi.
“Bavariya”: Noyer, Zyule, Boateng, Lyuka Ernandes, Devis, Alaba, Tolisso (Kimmix, 68), Myuller, Levandovski, Gnabri, Koman (Sane, 32; Musiala, 68).
Ogohlantirishlar: Gnabri (24), Beyli (72).
“Borussiya M” — “Hoffenhaym” 1:2
Gollar: 1:0 – 34, penalti Shtindl, 1:1 – 75 Kramarich, 1:2 – 86 Sessenyon.“Leypsig” — “Kyoln” 0:0
“Augsburg” — “Ayntraxt F” 0:2
Gollar: 0:1 – 53, avtogol Framberger, 0:2 – 87 Ilzanker.“Mayns” — “Verder” 0:1
Gol: 0:1 – 90 Dinkchi.“Shalke-04” — “Arminiya” 0:1
Gol: 0:1 – 53 Klos.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)