Boks bo‘yicha o‘rta vazn toifasida Jahon chempioni Saul “Kanelo” Alvares (54-1-2, 36 KO) AQShning Texas shtatida 20-dekabr tongida o‘zining navbatdagi jangini o‘tkazdi.
Meksikalik bokschiga super o‘rta vazn toifasida WBA chempioni Kallum Smit (27-1, 19 KO) raqib bo‘ldi. Jangning dastlabki raundlari juda past tempda o‘tdi. To‘rtinchi raundga kelib Kanelo biroz faollikni oshirdi. 5-6-raundlar ham “navbatchi raund” vazifasini o‘tadi. 7-raundda Saul bir nechta seriya ijro etishga muvaffaq bo‘ldi.
9-10-raundlarda meksikalik bokschi katta ustunlikka ega bo‘ldi. So‘nggi raundlarni ham Kanelo o‘z foydasiga hal qildi. Hakamlar yakunda bir ovozdan Saul Alvares g‘alabasini qayd etdi — 119-109, 119-109, 117-111.
Jang videosini bu yerda ko‘rish mumkin — havola
Shu tariqa Saul o‘z kamarini himoya qilish bilan birga, vakant bo‘lib turgan super o‘rta vaznning WBC kamarini ham qo‘lga kiritdi.
Shuningdek, boks kechasi doirasida yana ikkita jang ham o‘tkazildi:
- Frenk Sanches (17-0, 13 KO) yettinchi raunddagi nokaut evaziga Julian Fernandesni (14-3, 11 KO) yengdi;
- Kristian Dyuran (19-2-1, 17 KO) uchinchi raundda Anxel Ernandesni (17-16-2, 11 KO) nokautga uchratdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)