Oddiy smartfon yordamida “Mandaloriyalik” serialining mashhur qahramonini qo‘shimcha reallik orqali tomosha qilish imkoniyati paydo bo‘ldi, deb xabar beradi Hi-Tech.Mail.ru.
Google ayrim so‘rovlarning uch o‘lchamli modellarini taqdim etadi. Yaqinda kompaniya yana 50 ta hayvonni ro‘yxatga qo‘shgani va foydalanuvchilar smartfon ekrani orqali ularning 3D ko‘rinishini tomosha qilishlari mumkinligi to‘g‘risida xabar berilgandi. Texnologiya juda qiziqarli bo‘lib, nafaqat xonada, balki ko‘chada ham ishlayveradi.
Aftidan, kompaniya hayvonlar bilan cheklanib qolmagan ko‘rinadi — qidiruv tizimi “Mandaloriyalik” serialining mashhur qahramoni Groguni tomosha qilish imkoniyatini ham taqdim etdi. Norasmiy ravishda uni “kichkintoy Yoda” deb atashadi. Ushbu qahramon “Yulduzlar jangi” sagasining ishqibozlari orasida juda mashhur.
Qahramonning animatsiya modelini tomosha qilish uchun Google’ga “Grogu” deya so‘rov yuborish va tegishli tugmani bosish lozim.
Kichkintoy Yodani mobil dastur o‘rnatilganidan keyingina xona sharoitida tomosha qilish mumkin bo‘ladi. Shuningdek, Google’ning qo‘shimcha realligi veb-kamerali desktopda tekshirib ko‘rilgan, biroq u ishlamagan. Ehtimol, uch o‘lchamli obyektlarni faqat smartfonda ko‘rish mumkindir.
Kichkintoy Yoda ijtimoiy tarmoqlarda shu qadar mashhurlikka erishganki, undan hatto archa o‘yinchog‘i sifatida ham foydalanishmoqda.
https://twitter.com/taylorjane___/status/1335719391061815298
Izoh (0)