“Yuventus” hali ham “Manchester Yunayted” yarim himoyachisi Pol Pogbani qo‘lga kiritish fikridan qaytmadi.
ESPN xabariga ko‘ra, turinliklar klubi transferni 2021-yilning yozida amalga oshirmoqchi.
“Yuventus” katta ehtimol bilan ingliz klubining moliyaviy shartlarini qabul qila olmaydi. Biroq italyan klubi Pogba transferi uchun hujumchilar Paulo Dibala va Federiko Bernardeskini berishga tayyor hamda bu haqda “Manchester Yunayted” rahbariyatini ogohlantirdi.
“Yunayted” fransiyalik futbolchi atrofidagi bo‘layotgan gap-so‘zlarga qaramay, uning transfer narxini tushirish niyatida emas. Avvalroq Pogbaning agenti Mino Rayola mijozi mankunianlar safini tark etish istagida ekanini ma’lum qilgandi.
Ma’lumot uchun Pol 2012—2016-yillar mobaynida Turin shahri jamoasida to‘p surgan. U Premyer Liga 2020/21-yilgi mavsumida 10 ta o‘yin o‘tkazib, bitta gol urdi.
Mavzuga doir: Hashamatli uy, qimmatbaho mashinalar va shaxsiy samolyot. Pol Pogba millionlarini nimalarga sarflaydi?
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)