«Ювентус» ҳали ҳам «Манчестер Юнайтед» ярим ҳимоячиси Пол Погбани қўлга киритиш фикридан қайтмади.
ESPN хабарига кўра, туринликлар клуби трансферни 2021 йилнинг ёзида амалга оширмоқчи.
«Ювентус» катта эҳтимол билан инглиз клубининг молиявий шартларини қабул қила олмайди. Бироқ италян клуби Погба трансфери учун ҳужумчилар Пауло Дибала ва Федерико Бернардескини беришга тайёр ҳамда бу ҳақда «Манчестер Юнайтед» раҳбариятини огоҳлантирди.
«Юнайтед» франциялик футболчи атрофидаги бўлаётган гап-сўзларга қарамай, унинг трансфер нархини тушириш ниятида эмас. Аввалроқ Погбанинг агенти Мино Райола мижози манкунианлар сафини тарк этиш истагида эканини маълум қилганди.
Маълумот учун Пол 2012—2016 йиллар мобайнида Турин шаҳри жамоасида тўп сурган. У Премьер Лига 2020/21 йилги мавсумида 10 та ўйин ўтказиб, битта гол урди.
Мавзуга доир: Ҳашаматли уй, қимматбаҳо машиналар ва шахсий самолёт. Пол Погба миллионларини нималарга сарфлайди?
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)