“Auto.ru” saytida 63 yildan buyon 50 ming kilometr yo‘l bosgan “GAZ-12 ZIM” qariyb 4 million rubl (53,7 ming dollar) qiymatida sotuvga qo‘yildi. Taqqoslash uchun bu pulga yangi BMW X3 xarid qilish mumkin, deb xabar beradi Motor.
Suratlar va sotuvchining so‘zlariga ko‘ra, ko‘k rangli kuzov va sarg‘ish salonga ega “GAZ-12 ZIM” deyarli ideal holatda — u o‘tgan davr mobaynida iliq garajda saqlangan. Avtomobilga 90 ot kuchiga ega 3,5 litrli benzin motor o‘rnatilgan bo‘lib, u mexanik uzatmalar qutisi yordamida boshqariladi.
Uzun o‘lchamli sedan 1949-yildan 1960-yilga qadar ishlab chiqarilgan bo‘lib, bu vaqt oralig‘ida konveyrdan turli modifikatsiyaga ega 21 527 nusxa chiqqan. “GAZ-12 ZIM”dan asosan Sovet Ittifoqi, partiya va hukumat nomenklaturalarini tashishda foydalanilgan.
Avvalroq Ukrainada 29 yil garajda saqlangan ideal holatdagi “Moskvich-2141” topilgani to‘g‘risida xabar berilgandi.
Izoh (0)