Turkiya koronavirusga qarshi Xitoy vaksinasini shoshilinch ravishda sotib olishga tayyorlanmoqda. Bu haqda mamlakat tashqi ishlar vaziri Mavlut Chavusho‘g‘lu Xitoy TIV rahbari Van I bilan bo‘lib o‘tgan telefon suhbatida ma’lum qilgan, deb xabar beradi “Kommersant”. Anqara Xitoy vaksinasini xavfsiz va samarali deb hisoblamoqda.
“Chavusho‘g‘lu Turkiya tomoni Xitoy vaksinasini xavfsiz va samarali deb hisoblashini ma’lum qilib, Xitoy vaksinasini shoshilinch ravishda sotib olishini, Xitoy bilan ushbu masalada hamkorlikni kuchaytirishga tayyor ekanligini ma’lum qilgan”, — deyiladi Xitoy TIV saytida. Shuningdek, ta’kidlanishicha, Chavusho‘g‘lu Xitoyni pandemiyaga qarshi muvaffaqiyatli kurash bilan tabriklagan va mamlakatning vaksina tadqiqoti hamda yaratilishida erishgan yutuqlarini yuqori baholagan.
Xitoyda koronavirusga qarshi vaksinani yaratish bilan SinoVac kompaniyasi shug‘ullanmoqda. Vaksina ustidagi ishlar yanvarda boshlangan. Dori vositasi hozirda Braziliya, Indoneziya va Turkiyada klinik sinovlarning uchinchi bosqichidan o‘tkazilmoqda. Indoneziyaning Bio Farma davlat farmatsevtika kompaniyasi Xitoy vaksinasining samaradorligini 97 foizga baholagan.
Avvalroq Peruda koronavirusga qarshi Xitoy vaksinasining klinik sinovlari to‘xtatilgani to‘g‘risida xabar berilgandi.
Mavzuga doir: Turkiya sog‘liqni saqlash vaziri Rossiya vaksinasidan voz kechilgani haqidagi xabarlarni rad etdi
Izoh (0)