Hujjatli filmlar bo‘yicha rejissor Ernesto Galiotto Rio-de-Janeyro uzra samolyotda parvoz qilib, atrofda sodir bo‘layotgan voqealarni katta shishali kameraga tasvirga olgan. Shunda u o‘zining eski iPhone 6S smartfoni yordamida videoga olmoqchi bo‘lganida, qurilma qo‘lidan pastga tushib ketgan, deb xabar beradi Hi-Tech.Mail.ru.
Galiotto smartfonni qo‘lidan tushirib yuborgani tasviri samolyot kabinasidagi kameraga muhrlangan.
Galiotto yerga qo‘nganlaridan so‘ng, smartfonini “iPhone’ni top” mobil dasturi yordamida qidirishga qaror qilgan. Ma’lum bo‘lishicha, qurilma yerga tushib sochilib ketmagan va hatto signalni ham yo‘qotmagani sabab u tezda topilgan.
Eski modelligiga qaramay iPhone butun qolgan va ishlashni davom ettirgan. Qurilma ustida oddiy silikon g‘ilof va ekranida plyonka bo‘lgani aytilmoqda. Aftidan, smartfon yumshoq plyaj qumiga tushgan ko‘rinadi. Shunday bo‘lsa-da, u 600 metr balandlikdan tushib ketgan edi.
Izoh (0)