Rossiyaning Caviar kompaniyasi Stiv Jobsning vodolazkasi va krossovkasining parchalari joylashtirilgan iPhone 12 Pro’ni sotuvga chiqardi, deb xabar beradi Hi-Tech.Mail.ru.
Mazkur kolleksiya iPhone 4 taqdim etilganining o‘n yilligiga bag‘ishlangan. Eksklyuziv versiyali smartfonning markaziy elementidan Jobsning mashhur vodolazkasining original parchasi o‘rin olgan. U Apple emblemasi ichiga joylashtirilgan, uning pastrog‘iga esa kompaniya asoschisining imzosi tushirilgan.
iPhone 12 Pro Jobs 4 lineykasida uchta model o‘rin olgan. Ulardan biri mustahkam qora titandan, ikkinchisi — G10 oq kompozitsiyasidan ishlangan bo‘lib, olma emblemasi 925 probali kumush bilan qoplangan. Ushbu modellar dizayni haqiqiy qora va oq iPhone 4’larning dizaynini takrorlaydi. Hozirga qadar ko‘plab foydalanuvchilar, ushbu modelning dizaynini iPhone tarixidagi eng muvaffaqiyatli deb hisoblaydi.
Caviar smartfonining uchinchi versiyasi “lyuks” bo‘lib, undagi Apple emblemasi 750 probali sof oltindan ishlangan. Oltin versiyasi — kompaniyaning Apple’ni afsonaviy lineykasiga o‘z qarashi hisoblanadi.
Shuningdek, kolleksiyadan Stiv Jobsning New Balance krossovkalari ham o‘rin olgan. Jobs krossovkalarning to‘rtta versiyasini kiygani ma’lum — 990, 991, 992, 993. Caviar 991 modelidan foydalangan, chunki Jobs aynan undan ko‘proq foydalangan. Krossovkalarga Stiv Jobsning mashhur iborasi — “Think different” tushirilgan va u titan bilan bezatilgan.
Smartfonlarning har biri cheklangan miqdorda — 10 nusxadan ishlab chiqarilib, ularning narxi 394 ming rubldan (5388 dollar) boshlanadi. Krossovkalar esa 99 ming rubldan (1354 dollar) sotiladi.
Caviar kompaniyasi bunga qadar smartfon-tank — iPhone T-34’ni, Rossiya prezidenti Vladimir Putinning portreti va imzosi aks ettirilgan iPhone 6s’ni, AQSh prezidenti Donald Tramp sharafiga tilla iPhone 7 kabi noyob modellarni taqdim etgan.
Izoh (0)