Buxoro, Navoiy va Sirdaryo viloyatiga tergov boshqarma boshliqlari tayinlandi

O‘zbekiston Ichki ishlar vazirining buyrug‘i bilan Tergov departamenti tizimida yangi tayinlovlar amalga oshirildi, deya xabar qilmoqda departament axborot xizmati.

Navoiy viloyati IIB boshlig‘ining o‘rinbosari — tergov boshqarmasi boshlig‘i polkovnik Akil Hasanov egallab turgan lavozimidan ozod etilib, Buxoro viloyati IIB boshlig‘ining o‘rinbosari — tergov boshqarmasi boshlig‘i lavozimiga tayinlandi.

Sirdaryo viloyati IIB boshlig‘ining o‘rinbosari — tergov boshqarmasi boshlig‘i podpolkovnik Shohrux Sharipov egallab turgan lavozimidan ozod etilib, Navoiy viloyati IIB boshlig‘ining o‘rinbosari — tergov boshqarmasi boshlig‘i lavozimiga tayinlandi.

Guliston shahri bo‘yicha Ichki ishlar organlari faoliyatini muvofiqlashtirish boshqarmasi boshlig‘i — polkovnik Zohidjon Qayumov egallab turgan lavozimidan ozod etilib, Sirdaryo viloyati IIB boshlig‘ining o‘rinbosari — tergov boshqarmasi boshlig‘i lavozimiga tayinlandi.

Avvalroq Toshkent hokimining turizm va sport ishlari bo‘yicha maslahatchisi tayinlangani, Oliy sud sudyasi Navoiy viloyati ma’muriy sudi raisi etib tayinlangani hamda Prezident Davlat xavfsizlik xizmatiga yangi rahbar tayinlangan haqida xabar berilgandi.