Ijtimoiy tarmoqlarda Toshkent ko‘chalarida qoidabuzarliklarni qayd etuvchi ko‘chma kameralar paydo bo‘lgani haqida xabarlar tarqaldi. Toshkent shahar transport boshqarmasi matbuot xizmati poytaxt ko‘chalarida paydo bo‘lgan ushbu ko‘chma kameralar nima maqsadda ishlatilayotganini tushuntirdi.
Ma’lum qilinishicha, Toshkent ko‘chalarida yo‘lovchilar va transport vositalari oqimini o‘rganishni nazarda tutuvchi “Toshkent shahri transport va yo‘l-transport infratuzilmasining bosh rejasi”ni ishlab chiqish bo‘yicha ishlar amalga oshirilmoqda.
Shu munosabat bilan xodimlar tomonidan katta chorrahalarda transport vositalari hisobi yuritilmoqda hamda yo‘lovchilar soni aniqlanib borilmoqda. Buni amalga oshirish uchun ko‘chma kameralardan foydalanilmoqda.
Ta’kidlanishicha, mazkur tadqiqot ishlarida foydalanilayotgan kameralar yo‘l harakati qoidalarining buzilish holatlarini aniqlashga mo‘ljallanmagan.
Toshkent shahar transport boshqarmasi poytaxt ko‘chalarida o‘tkazilayotgan tadqiqot ishlari to‘g‘risida internetda tarqalgan noto‘g‘ri ma’lumotlarga ishonmaslikni so‘ragan.
Mavzuga doir:
Izoh (0)