Ko‘plab foydalanuvchilar tarmoq orqali suhbat davomida emojilarni ishlatadi. Twitter 2020-yilda foydalanuvchilar asosan qanaqa smayliklardan foydalanganini tahlil qilib chiqdi. Natija qiziqarli: birinchi o‘rinni ko‘zlarida yosh bilan xursand turgan emoji egallagan bo‘lsa, ikkinchi o‘rin — yig‘layotgan yuz ifodalangan emojiga nasib etgan. Aftidan joriy yilda kulgidan ko‘z yoshga (yoki aksincha) o‘tish, favqulodda tez sodir bo‘lgan ko‘rinadi.
Uchinchi o‘rinni esa “yig‘lamsirab turgan” ko‘zlar egallagan, bu smaylik “tilanchi-emoji” yoki “yolvorayotgan yuz” deb ataladi. Oltinchi o‘rinda xafa bo‘lgan smaylik joylashgan. Qolgan emojilar sevgi yoki o‘ylash kabi holatlarga bog‘liq.
Avvalroq ijtimoiy tarmoq 2020-yilni birgina so‘z bilan ta’riflashni taklif qilgandi. Muhokamaga dunyoga mashhur kompaniyalar, xususan, LEGO konstruktori, YouTube videoxostingi yoki Zoom videokonferensiya dasturi kabi kompaniyalar ham qo‘shilgan. Javoblarning aksariyati nafaqat hayotiy, balki o‘ziga xos zukkolik bilan berilgan.
Izoh (0)