Hindistonlik qiz Ginnesning rekordlar kitobiga dunyodagi eng uzun sochli o‘spirin sifatida kiritildi. Bu haqda Ginnesning rekordlar kitobining rasmiy sayti xabar berdi.
Hindistonda yashovchi 18 yashar Nilanshi Patel birinchi marta 2018-yil 21-noyabrda o‘smirlar orasida eng uzun soch egasi sifatida tan olingan. O‘sha vaqtdan buyon u ikki marotaba rekordni yangiladi. Ikki yil avval uning sochlari 1,7 metr uzunlikda edi, hozirda ular yana 30 santimetrga o‘sgan.
Patelning 6 yoshida sochini qisqartirishgani unga yoqmagan, shuning uchun ularni o‘stira boshlagan. “Mening sochimni kaltalatishdi, juda ham xunuk edi. Shundan so‘ng hech qachon sochimni kesmaslikka qaror qilganman. 6 yoshimdan buyon sochlarim uzunligiga tegmayman”, − deydi Patel.
U tengdoshlari orasida jahon rekordini o‘rnatish uchun sochlarini o‘stirishda davom etishi haqida hali bir qarorga kelmagan.
Mavzuga doir:
- Chyolkasini kaltalatgan britaniyalik qiz ko‘chaga chiqa olmay qoldi. Hamma uni mashhur aktrisaga o‘xshatmoqda (foto)
- Soch bo‘yashi natijasida jiddiy kasallikka chalingan angliyalik ayolning hayotini uning iti qutqarib qoldi
- Germaniyalik 17 yoshli stilist qiz Instagram’da mashhurlikka erishdi. U sahifasiga soch turmagi suratlarini joylaydi (foto)
Izoh (0)