Futbol bo‘yicha Germaniya chempionatining 10-turidan o‘rin olgan bir qator uchrashuvlar 5-dekabr, shanba kuni bo‘lib o‘tdi.
“Bavariya” o‘z maydonida “Leypsig”ni qabul qildi. Birinchi bo‘limda har ikki jamoa vakillari ikkitadan to‘p kiritishga muvaffaq bo‘ldi. “Buqalar” safida Kristofer Nkunku va Jastin Klyuvert o‘z hisobiga gol yozdirib qo‘ygan bo‘lsa, myunxenliklarning gollariga Jamal Musiala va Tomas Myuller muallif bo‘ldi.
Ikkinchi bo‘limda jamoalar yana bir martadan gol almashdi. Emil Forsbergning bo‘lim avvalidagi goliga Myuller 75-daqiqada javob qaytardi.
“Bavariya” 23 ochko bilan peshqadam bo‘lib turibdi, “Leypsig” (21) esa undan keyingi o‘rinda bormoqda.
“Borussiya D” jamoasi “Ayntraxt” maydonida mehmon bo‘ldi. Uchrashuvning 9-daqiqasida Daichi Kamada frankfurtliklarni oldinga olib chiqdi. Bunga dortmundliklar ikkinchi bo‘lim debyutida Jovanni Reynaning goli bilan javob qaytardi.
Qolgan vaqtda hisob o‘zgarmadi va “Borussiya” yana qimmatli ochkolarni boy berdi. “Borussiya D” 19 ochko bilan 3-o‘rinda bormoqda, “burgutlar” (8) esa 10-pog‘onaga joylashgan.
“Borussiya M” safarda “Frayburg” bilan 2:2 hisobida jangovar durang qayd etdi. “Arminiya” va “Mayns” o‘rtasidagi autsayderlar to‘qnashuvida mezbonlarning qo‘li baland keldi.
Bundesliga
10-tur bahslari
5-dekabr, shanba
“Bavariya” — “Leypsig” 3:3
Gollar: 0:1 – 19 Nkunku, 1:1 – 30 Musiala, 2:1 – 34 Myuller, 2:2 – 36 Klyuyvert, 2:3 – 48 Forsberg, 3:3 – 75 Myuller.“Bavariya”: Noyer, Pavar, Boateng (Richards, 84), Zyule, Alaba, Xavi Martines (Musiala, 25), Goretska, Myuller, Levandovski, Koman (Duglas Kosta, 83), Sane (Gnabri, 64).
“Leypsig”: Gulachi, Mukiyele (Olmo, 72), Upamekano, Konate, Anxelinyo, Zabitser (Kampl, 72), Adams, Aydara (Serlot, 77), Nkunku, Forsberg (Poulsen, 62), Klyuyvert (Orban, 78).
Ogohlantirishlar: Mukiyele (51).
“Ayntraxt” — “Borussiya D” 1:1
Gollar: 1:0 – 9 Kamada, 1:1 – 56 Reyna.“Ayntraxt”: Trapp, Abraam, Hinteregger, Ndika, Durm, Kostich, Rode (Ilzanker, 67), Sou, Kamada, Barkok (Kor, 74), Andre Silva (Dost, 74).
“Borussiya D”: Byurki, Hummels, Zagadu, Shults, Jan, Vitsel, Daud (Mukoko, 46), Sancho, Reyna, Brandt (Bellinghem, 74).
Ogohlantirishlar: Ndika (41), Kamada (46), Rode (60), Sou (64), Kostich (82), Abraam (85), Jan (88).
“Frayburg” — “Borussiya M” 2:2
Gollar: 0:1 – 23 Embolo, 1:1 – 32 Linxart, 2:1 – 49, penalti Grifo, 2:2 – 50 Plea.“Arminiya” — “Mayns” 2:1
Gollar: 1:0 – 21 Pritl, 2:0 – 31 Doan, 2:1 – 82 Shteger.“Kyoln” — “Volfsburg” 2:2
Gollar: 1:0 – 18 Tilmann, 1:1 – 29 Arnold, 2:1 – 43 Duda, 2:2 – 47 Vegorst.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)