Futbol bo‘yicha Rossiya Premyer Ligasining 17-turida “Spartak” 5-dekabr, shanba kuni “Tambov”ni qabul qildi.
Uchrashuvda hisob 27-daqiqaga kelib ochildi, Yordan Larsson o‘zining aniq zarbasi bilan moskvaliklarni oldinga olib chiqdi. Tanaffusga qadar hisob boshqa o‘zgarmadi.
Ikkinchi bo‘lim gollarga boy bo‘ldi. Esekiel Ponsening 61-daqiqadagi goliga mehmonlar oradan to‘rt daqiqa o‘tib javob qaytardi. So‘nggi daqiqalarda “qizil-oqlar” yana uchta gol urishga muvaffaq bo‘ldi. Larsson 83-daqiqada dublni rasmiylashtirgan bo‘lsa, 87-daqiqada Samyuel Jigo hisobni yirik ko‘rinishga olib keldi. Hakam tomonidan qo‘shib berilgan vaqtda Ponse yakuni hisobni o‘rnatdi — 5:1.
Ushbu g‘alabadan keyin ochkolarini 35 taga yetkazib olgan holda birinchi o‘ringa ko‘tarildi. “Tambov” (12) esa 14-pog‘onada bormoqda.
Ushbu bahsda Oston O‘runov ikkinchi bo‘limning so‘nggi daqiqalarida maydonga tushdi. “Tambov”da ijarada yurgan Jasur Jaloliddinov esa qaydnomaga kiritilmadi. Ayrim xabarlarga ko‘ra, hozirda futbolchi O‘zbekistonda bo‘lib turibdi.
RPL
17-tur bahslari
5-dekabr, shanba
“Spartak” — “Tambov” 5:1
Gollar: 1:0 – 27 Larsson, 2:0 – 61 Ponse, 2:1 – 65 Onugxa, 3:1 – 83 Larsson, 4:1 – 87 Jigo, 5:1 – 90 Ponse.“Spartak”: Maksimenko, Jikiya, Maslov, Jigo, Ayrton, Kral (Litvinov, 90), Mozes (Yeshenko, 84), Umyarov (Markitesov, 90), Bakayev (O‘runov, 90), Larsson (Kutepov, 84), Ponse.
“Tambov”: Rijikov, Volodko, Aroyan, Chicherin, Karasev, Kabaxidze, Merenchukov (Anvan, 85), Till, Gigashvili, Onugxa, Karapetyan.
Ogohlantirishlar: Chicherin (83).
“Lokomotiv” — “Rubin” 3:1
Gollar: 0:1 – 3 Hvan In Bom, 1:1 – 17 Ignatyev, 2:1 – 69, penalti Miranchuk, 3:1 – 86 Ignatyev.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)