Futbol bo‘yicha Italiya A Seriyasining 10-turida “Yuventus” 5-dekabr, shanba kuni “Torino”ga qarshi bahs olib bordi.
Uchrashuvning Nikolya Nkulu mehmonlarni oldinga olib chiqdi. Birinchi bo‘limda maydon egalari bir qator qulay imkoniyatlarga ega bo‘ldi, biroq ulardan samarali foydalana olmadi.
“Keksa sinyora”ning qator hujumlari 77-daqiqaga kelib o‘z samarasini berdi. Ueston Makkenni muvozanatni tikladi. Uchrashuv yakunlanishi arafasida Leonardo Bonuchchi “Yuventus”ga g‘alaba keltirgan golga muallif bo‘ldi.
Shu tariqa ushbu g‘alabadan keyin “Yuventus”ning ochkolari 20 taga yetdi va jamoa 2-o‘ringa ko‘tarildi.
“Latsio” safarda “Spetsiya”ga qarshi bahs olib bordi. Chiro Immobile va Sergey Milinkovich-Savichning gollari rimliklarga g‘alaba keltirdi.
A Seriya
10-tur bahslari
5-dekabr, shanba
“Yuventus” — “Torino” 2:1
Gollar: 0:1 – 9 Nkulu, 1:1 – 77 Makkenni, 2:1 – 89 Bonuchchi.“Yuventus”: Shensni, Danilo (Aleks Sandro, 71), Bonuchchi, de Ligt, Kulusevski (Remzi, 57), Kuadrado, Rabyo (Makkenni, 71), Bentankur, Kyeza, Ronaldu, Dibala.
“Torino”: Sirigu, Singo, Voynovich, Rodriges, Ansaldi, Meyte, Linetti, Rinkon, Nkulu, Belotti, Dzadza (Lukich, 75).
Ogohlantirishlar: Kulusevski (51), Voynovich (70), de Ligt (72), Lukich (76).
“Spetsiya” — “Latsio” 1:2
Gollar: 0:1 – 15 Immobile, 0:2 – 33 Milinkovich-Savich, 1:2 – 64 Nzola.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)