«Манчестер Юнайтед» Англия Премьер Лигасининг 11-тури доирасида кечган 5 декабрь кунги ўйинда «Вест Ҳэм»ни мағлубиятга учратди (3:1).
Мазкур баҳсда «Манчестер Юнайтед» ярим ҳимоячиси Бруну Фернандеш ўзининг ёрқин ўйини билан ажралиб турди. 26 ёшли португалиялик футболчиси Премьер Лига 2020/21 йилги мавсумида 35 та голли вазият яратди. Бу топ-5 лигалар футболчилари орасида ҳозирча энг яхши кўрсаткич бўлиб турибди.
Бруну 2020 йилнинг январида «Спортинг»дан «Манчестер Юнайтед» сафига келиб қўшилганди. Манчестерликлар уни 55 миллион евро эвазига сотиб олганди.
Жорий мавсум 26 ёшли футболчи Англия чемпионатида 16 та ўйин ўтказиб, 10 та гол ва олтита голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)