Футбол бўйича Россия Премьер Лигасининг 17-турида «Спартак» 5 декабрь, шанба куни «Тамбов»ни қабул қилди.
Учрашувда ҳисоб 27-дақиқага келиб очилди, Ёрдан Ларссон ўзининг аниқ зарбаси билан москваликларни олдинга олиб чиқди. Танаффусга қадар ҳисоб бошқа ўзгармади.
Иккинчи бўлим голларга бой бўлди. Эсекиэль Понсенинг 61-дақиқадаги голига меҳмонлар орадан тўрт дақиқа ўтиб жавоб қайтарди. Сўнгги дақиқаларда «қизил-оқлар» яна учта гол уришга муваффақ бўлди. Ларссон 83-дақиқада дублни расмийлаштирган бўлса, 87-дақиқада Самюуэль Жиго ҳисобни йирик кўринишга олиб келди. Ҳакам томонидан қўшиб берилган вақтда Понсе якуни ҳисобни ўрнатди — 5:1.
Ушбу ғалабадан кейин очколарини 35 тага етказиб олган ҳолда биринчи ўринга кўтарилди. «Тамбов» (12) эса 14-поғонада бормоқда.
Ушбу баҳсда Остон Ўрунов иккинчи бўлимнинг сўнгги дақиқаларида майдонга тушди. «Тамбов»да ижарада юрган Жасур Жалолиддинов эса қайдномага киритилмади. Айрим хабарларга кўра, ҳозирда футболчи Ўзбекистонда бўлиб турибди.
РПЛ
17-тур баҳслари
5 декабрь, шанба
«Спартак» — «Тамбов» 5:1
Голлар: 1:0 – 27 Ларссон, 2:0 – 61 Понсе, 2:1 – 65 Онугха, 3:1 – 83 Ларссон, 4:1 – 87 Жиго, 5:1 – 90 Понсе.«Спартак»: Максименко, Жикия, Маслов, Жиго, Айртон, Крал (Литвинов, 90), Мозес (Ешенко, 84), Умяров (Маркитесов, 90), Бакаев (Ўрунов, 90), Ларссон (Кутепов, 84), Понсе.
«Тамбов»: Рижиков, Володко, Ароян, Чичерин, Карасев, Кабахидзе, Меренчуков (Анван, 85), Тилл, Гигашвили, Онугха, Карапетян.
Огоҳлантиришлар: Чичерин (83).
«Локомотив» — «Рубин» 3:1
Голлар: 0:1 – 3 Ҳван Ин Бом, 1:1 – 17 Игнатьев, 2:1 – 69, пенальти Миранчук, 3:1 – 86 Игнатьев.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)