O‘zbekistonda kannabisni giyohvandlik vositalari va psixotrop moddalarni ishlab chiqarish va tayyorlash bilan bog‘liq bo‘lmagan sanoat maqsadlarida yetishtirishga ruxsat berilgandi. Gap tarkibida 0,2 foizgacha miqdorda tetragidrokannabinol giyohvandlik moddasi mavjud bo‘lgan o‘simlik tolasi va urug‘i haqida ketmoqda.
Spot’ning xabar berishicha, 4-dekabr kuni Prezident Shavkat Mirziyoyev sanoat kannabisi yetishtirish va qayta ishlash uchun litsenziya olishda davlat boji stavkalarini tasdiqlovchi qonunni imzoladi. Bunga Norma e’tibor qaratdi.
Litsenziya Qishloq xo‘jaligi vazirligi tomonidan beriladi. Boj miqdori:
- yetishtirish uchun — BHMning 3000 baravari (669 million so‘m);
- import uchun 200 baravari (44,6 million so‘m);
- eksport qilish uchun 200 baravari (44,6 million so‘m);
- qayta ishlash uchun 200 baravari (44,6 million so‘m),
- saqlash uchun 200 baravari (44,6 million so‘m);
- sotish uchun 200 baravari (44,6 million so‘m);
- sotib olish uchun 200 baravari (44,6 million so‘m);
- tashish uchun 200 baravari (44,6 million so‘m) miqdorida belgilangan.
Izoh (0)